01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Մոսկվան պարզաբանել է՝ ինչու է ընդունել Ադրբեջանի ներողությունը ռուսական ուղղաթիռի խոցումից հետո
Քաղաքականություն
13.11.2020 | 12:39
ՌԴ մամուլի խոսնակ Դմիտրի Պեսկովը բացատրել է, որ Մոսկվան ընդունել է Ադրբեջանի ներողությունը ռուսական ուղղաթիռ խոցումից հետո, քանի որ այն շատ արագ է հնչել։
«Սա իսկապես աղետ է, ողբերգություն, մեր երկու զինծառայողները զոհվել են։ Սա, իհարկե, ցավ է մեր բոլոր ռազմական ղեկավարների և զինված ուժերում ծառայող մեր բոլոր զինվորականների ու բոլոր քաղաքացիների համար»,- հայտարարել է Կրեմլի խոսնակը RT հեռուստաալիքին տված հարցազրույցում՝ խոսելով Հայաստանի երկնքում ադրբեջանական ուժերի կողմից խոցված ռուսական ուղղաթիռի մասին:
«Ադրբեջանցիների ակնթարթային արձագանքը, Ադրբեջանի նախագահի ակնթարթային արձագանքը և հանգամանքների անկողմնակալ հետաքննություն անցկացնելու և պատասխանատուներին պատժելու պատրաստակամության մասին Ադրբեջանի հայտարարությունները հնարավորություն տվեցին ընդունել այդ ներողությունները»,- ասել է Պեսկովը։
Հիշեցնենք՝ նոյեմբերի 9-ին Հայաստանի երկնքում Ադրբեջանի կողմից խոցվել է ռուսական Մի-24 ուղղաթիռ: Անձնակազմի երկու անդամները զոհվել են, մեկը՝ վիրավորվել: Բաքուն խոստովանել է, որ ուղղաթիռը խոցվել է ադրբեջանական ԶՈՒ-ի կողմից և հայտարարել, որ պատրաստ է փոխհատուցում վճարել:
Տաթև Ֆռանգյան
