12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Բորելն ընդգծել է ԼՂ-ում մշակութային ժառանգության պահպանման կարևորությունը․ ՏԱՍՍ
Քաղաքականություն
13.11.2020 | 10:54
ԵՄ արտաքին և անվտանգության քաղաքականության հարցերով գերագույն ներկայացուցիչ Ժոզեպ Բորելը հեռախոսազրույց է ունեցել ՀՀ և Ադրբեջանի ԱԳ նախարարների հետ, որոնց ընթացքում ընդգծել է ԼՂ-ում մշակութային ժառանգության պահպանման կարևորությունը։ Այս մասին ասվում է ԵՄ արտաքին քաղաքական ծառայության տարածած հայտարարության մեջ, փոխանցում է ՏԱՍՍ-ը։
«Գերագույն ներկայացուցիչը երկու նախարարների հետ զրույցներում շեշտել է խաղաղության կառուցման և հաշտության հաստատման կարևորությունը, և այս առումով` միջազգային մարդասիրական իրավունքի սկզբունքների պահպանումը և մշակութային ժառանգության պաշտպանությունը, դրա արժեքն ու նշանակությունը տեղի համայնքների համար», – ասված է հայտարարության մեջ։
Բորելը հույս է հայտնել, որ ռազմական գործողությունների դադարեցումը թույլ կտա հակամարտության հաստատուն, խաղաղ կարգավորմանն ուղղված ջանքեր ձեռնարկել ու կանխել հետագա մարդկային տանջանքները։
Վերջինս նաև ընդգծել է, որ ԵՄ-ն պատրաստ է հումանիտար օգնություն ցուցաբերել քաղաքացիական բնակչության կարիքների բավարարման համար, որոնք տուժել են հակամարտության արդյունքում։ Տեղեկացվում է, որ որպես արտակարգ օգնություն արդեն իսկ հատկացվել է 1 միլիոն եվրո։
Տաթև Ֆռանգյան
