05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Մենք համաձայնագիրը չենք ստորագրել, շատ հարցեր ունենք. ՀՀ-ում Ֆրանսիայի դեսպան. ՏԵՍԱՆՅՈՒԹ
Քաղաքականություն
12.11.2020 | 12:36
Մի խումբ հադրութցիներ ՀՀ-ում Ֆրանսիայի դեսպանատան դիմաց բողոքի ակցիա են իրակաացնում: Նրանք պահանջում են Հադրութի դեօկուպացիան՝ ակնկալելով նաև Ֆրանսիայի աջակցությունը:
Ակցիայի մասնակիցներին դեսպանատան դարպասների մոտ հանդիպման եկավ Հայաստանում Ֆրանսիայի դեսպան Ջոնաթան Լաքոտը: Հադրութցիները նրան փոխանցեցին նամակ՝ խնդրելով ականջալուր և աջակից լինել իրենց:
Ջոնաթան Լաքոտն ասաց, որ տեղյակ են՝ Հադրութը ամենատուժած տարածքներից է:
«Լարված իրավիճակ է, մենք գիտենք, որ Հադրութի ժողովուրդը ամենատանջված ժողովուրդներից է: Գիտենք, որ ՀՀ-ում իրավիճակը շատ բարդ է, շատ են հարցերը համաձայնագրի հետ կապված, նաև շատ հարցեր մենք ունենք, որովհետև չենք ստորագրել համաձայնագիրը: Մեր առաջնահերթությունը այս հարցում տուժած մարդկանց աջակցելն է: Այսօր նախագահ Մակրոնը հանդիպելու է ՀՀ ներկայացուցիչների հետ, նախագահ Մակրոնը ասել է, որ պետք է ներկայացվի նաև Հայաստանի շահը: Ֆրանսիայի դեսպանատունը ձեզ համար միշտ բաց է, որպեսզի ներկայացնեք ձեր խնդիրները», – ասաց դեսպանը:
Մանրամասները՝ տեսանյութում:
