04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Առաջնագիծը նկարվելու և PR-ի տեղ չէ, մի վիրավորեք մեր սահմանը պահող զինվորներին․ Թագուհի Թովմասյան. ՏԵՍԱՆՅՈՒԹ
Քաղաքականություն
06.11.2020 | 16:03
«Երբ որ այդ հիմնադրամը ձևավորվում էր, մենք չէինք կանխատեսում, որ պատերազմը այսքան մոտ է և այսքան շատ զոհեր և վիրավորներ կունենանք: Օր արաջ անհրաժեշտություն կա, որ հիմնադրամի ֆինանսավորման միջոցները վերանայվեն և ֆինանսական ներարկումը լինի ավելի մեծ թափով: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Թագուհի Թովմասյանը՝ անդրադառնալով դիտարկմանը, որ Պաշտպանության նախարարությունն առաջարկում է «Զինծառայողների ապահովագրության հիմնադրամին» վճարվող դրոշմանիշային վճարները ամսական 1000 դրամից բարձրացնել ամսական 3000 դրամի:
«Ես կարծում եմ, որ ոչ թե վճարի չափը 1000 դրամի փոխարեն պետք է դարձնենք 3000 դրամ, այլ տոկոսային հարաբերակցությունը հաշվի առնենք. օրինակ՝ 100 000 դրամ ստացողը վճարի 1000 դրամ, 500 000 դրամ ստացողը՝ 5000, 1 միլիոն ստացողը՝ 10 000 դրամ: Այսպես ավելի արդար կլիներ: Եվ կարող ենք կամավորության սկզբունքը պահել, որ եթե, օրինակ՝ 68 000 դրամ ստացողը ցանկանում է վճարել 5000 դրամ, թող վճարի:
Պատերազմական այս օրերին խոսվում է առաջնագիծ գնալու մասին, կանանց ջոկատներ են կազմվում: Թագուհի Թովմասյանն անդրադառնալով այս դիտարկմանը և հարցին, թե երբևէ մտածե՞լ է առաջնագիծ գնալու մասին, նշեց. «Առաջնագիծ բառը պետք է շատ զգույշ օգտագործենք, ես նկատում եմ, որ այդ բառը շատ հաճախ աղավաղում ենք: Ես առաջնագծում անելիք չունեմ, որովհետև ես չգիտեմ ինչպես են զենք օգտագործում, և ես առաջնագծում կարող եմ ընդամենը խանգարել: Ամեն մեկն իր գործառույթը պետք է իրականացնի այնտեղ, որտեղ կարող է: Ես կարող եմ թիկունքում աշխատանք իրականացնել, քաղաքացիների կողքին լինել, տարբեր առաքելություններ իրականացնել և ավելի օգտակար գործ անել, քան գնալ և առաջնագծում զինվորական հագուստով նկարվելն է: Այս վարքագծով մենք ուղղակի անարգում ու վիրավորում ենք առաջնագծում գտնվողներին, որոնք կենաց-մահու կռիվ են տալիս… Առաջնագիծը, պատերազմը նկարվելու և PR-ի տեղ չէ: Սա պետք է կոշտ մեթոդներով անհապաղ դադարեցնել»:
Մանրամասները՝ տեսանյութում:
