17.09.2026 | 22:43
Ռիչարդ Կիրակոսյանը Ստամբուլում հոսպիտալացվել է
Թուրքիայից ապրանքների ներմուծման դադարեցման արդյունքում գնաճ չի լինի. Տիգրան Խաչատրյան. ՏԵՍԱՆՅՈՒԹ
Տնտեսություն
06.11.2020 | 11:46
Որևէ սեգմենտում չի կարող լինել գնաճ՝ այդ սեգմենտում մինչ այժմ թուրքական ծագում ունեցող ներմուծված ապրանքների փոքր տեսակարար կշռի պատճառով: Այս մասին ԱԺ-ում լրագրողների հետ զրույցում ասաց ՀՀ էկոնոմիկայի նախարար Տիգրան Խաչատրյանը։
«Գնաճ չի կարող լինել մեկ պարզ պատճառով, մեր գնահատականները վկայում են, որ այն վերջնական սպառման ապրանքները, որոնք ներկրվում էին Թուրքիայից, տարեկան 50 մլն դոլար արժեքը չեն գերազանցում։ Մենք 5 մլրդը գերազանցող ներմուծումներ ունենք։ Եթե դիտարկենք յուրաքանչյուր ապրանքային սեգմենտ և դիտարկենք նույնիսկ այդ 50 մլնի մեջ որ ապրանքներն են շուկայում, կտեսնենք, որ դրանք աննշան տեսակարար կշիռ ունեն։ Հետևաբար, մեկ փոքր քանակություն, եթե փոխարինվում է մեկ այլ փոքր քանակությամբ, շուկայական հավասարակշիռ գնի վրա ազդել չի կարող», – նշեց նախարարը։
Թուրքիայից ապրանքների ներմուծման արգելքի դեպքում, նախարարի խոսքով, փոխարինումներ կլինեն։ Ինչ վերաբերում է ցիտրուսային մրգերին, նախարարը նշեց, որ կբերվեն Իրանից, Եգիպտոսից, Թունիսից, բազմաթիվ տեղերից։
Մանրամասները՝ տեսանյութում:
