14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Քանի կան ռազմական գործողություններ՝ մեր խնդիրը ռազմադաշտում է. ԱԳ փոխնախարար. ՏԵՍԱՆՅՈՒԹ
Քաղաքականություն
05.11.2020 | 16:26
Երբ որ պատերազմ է գնում, պետք չէ ակնկալել, որ ինչ-որ մեկը պատժելու է և այլն… Ինձ թվում է՝ մենք պետք է կենտրոնանանք մի բանի վրա՝ հաղթանակ: Այս մասին ԱԺ-ում լրագրողների հետ զրույցում ասաց ՀՀ ԱԳ փոխնախարար Շավարշ Քոչարյանը՝ անդրադառնալով հարցերին, թե արդյոք միջազգային հանրության արձագանքը պատշաճ է արդեն 40 օր ընթացող պատերազմին, և արդյոք հնարավոր է պատժամիջոցներ կիրառվեն Թուրքիայի նկատմամբ:
«Իհարկե աշխատանք պետք է, կատարվում է, և պետք է կատարվի նաև հաղթանակից հետո, որովհետև նաև բազմաթիվ ռազմական հանցագորություններ են կատարվել, բայց այսօր առաջնային խնդիրը համախմբված հաղթանակի հասնելն է»,- ասաց փոխնախարարը:
«Այդ ե՞րբ է եղել, որ պատերազմի ժամանակ հարցի դիվանագիտական լուծում է եղել: Քանի կան ռազմական գործողություններ, մեր խնդիրը ռազմադաշտում է»,- ընդգծեց Քոչարյանը:
Անդրադառնաով հարցին, թե ում մակարդակով են տեղի ունենում խորհրդակցություններ Ռուսաստանի հետ՝ փոխնախարարն արձագանքեց. «Կողմերը պետք է համատեղ ջանքեր գործադրեն: Ինչ որ պետք է պատերազմի ժամանակ, արվում է»:
Եվ հարցին, թե իր ձևակերպմամբ՝ որն է հաղթանակը, Շավարշ Քոչարյանը պատասխանեց. «Հաղթանակն այն է, երբ որ հակառակորդը պարտվում է»։
Մանրամասները՝ տեսանյութում:
