05.10.2026 | 18:30
Գերմանիայի հետախուզության ղեկավարը հայտարարել է, որ Բեռլինին ռազմական հակամարտություն է սպառնում Ռուսաստանի հետ
Ալիևը պատասխանել է Լավրովի՝ ԼՂ-ում կռվող 2․000 սիրիացի վարձկանների մասին հայտարարությանը
Քաղաքականություն
05.11.2020 | 16:14
Ադրբեջանի նախագահ Իլհամ Ալիևը իսպանական EFE-ին տված հարցազրույցում անդրադարձել է Լեռնային Ղարաբաղի հակամարտության գոտում մարտերում կռվող սիրիացի վարձկանների թեմային՝ կրկին հերքելով Ադրբեջանում նրանց առկայությունը։
Լրագրողի դիտարկմանը, որ Ռուսաստանի ԱԳ նախարար Սերգեյ Լավրովն ասել է, թե ԼՂ-ում 2․000 սիրիացի վարձկաններ են կռվում, Ալիևը պատասխանել է, որ իրենց վարձկաններ պետք չեն։
«Ես դա բազմիցս ասել եմ։ Նրանք մեզ պետք չեն։ Մենք ունենք բանակ՝ 100․000 մարտիկներով։ Եթե ամբողջական զորահավաք անենք, ապա կկարողնանաք մի քանի անգամ ավելի շատ հավաքել»,- ասել է Ալիևը։
Հիշեցնենք, որ «Կոմերսանտին» տված հարցազրույցում ՌԴ ԱԳ նախարար Սերգեյ Լավրովն ասել էր, որ ԼՂ-ի հակամարտության գոտում ներգրավված սիրիացի վարձկանների թիվը հասնում է 2․000-ի։
«Մենք, իհարկե, մտահոգված ենք Լեռնային Ղարաբաղի հակամարտության միջազգայնացմամբ և Մերձավոր Արևելքից զինյալների ներգրավմամբ: Մենք բազմիցս կոչ ենք արել արտաքին խաղացողներին օգտագործել իրենց կարողությունները՝ ճնշելու համար վարձկանների տեղափոխումը, որոնց թիվը հակամարտության գոտում, ըստ առկա տվյալների, արդեն մոտենում է 2․000-ի»,- ասել էր Լավրովը։
Էմմա Չոբանյան
