17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Բայդենը հաղթում է ԱՄՆ նախագահական ընտրություններում
Քաղաքականություն
05.11.2020 | 16:44
ԱՄՆ նախագահական ընտրություններում հաղթում է Դեմոկրատական կուսակցության անդամ Ջո Բայդենը, նրան հաղթանակի համար մնացել է հավաքել ընդամենը 6 ձայն, որոնք կարող է ապահովել Նևադա նահանգը, գրում է ՌԻԱ Նովոստին։
Նևադայում ձայների հաշվարկը դեռևս չի ավարտվել։ Տեղի իշխանությունները հայտնել են, որ արդյունքների թարմացումը կհրապարակվի տեղի ժամանակով առավոտյան ժամը 9-ին (Երևանի ժամանակով՝ ժամը 22:00): Այստեղ դեռևս հաշվարկվել է ձայների 86 տոկոսը, և Բայդենը ձայների աննշան առավելությամբ հաղթում է Թրամփին՝ 49․3 տոկոսն ընդդեմ 48․7-ի։
Մնում է հաշվարկել ընտրությունների օրը փոստով ուղարկված քվեաթերթիկներն ու այն քվեները, որոնք կարող են ստացվել մեկ շաբաթվա ընթացքում։
Բացի այդ՝ պարզ չէ դեռևս իրավիճակը Փենսիլվանիայում (20 ձայն), Ջորջիայում (16 ձայն) և Հյուսիսային Քարոլինայում (15 ձայն)։ Այստեղ ոչ մեծ առավելությամբ հաղթում է Թրամփը։ Ավելի զգալի է վերջինի հաղթանակն Ալյասկայում, սակայն այստեղ հաղթանակը նրան կբերի ընդամենը 3 ձայն։
Տաթև Ֆռանգյան
