Քաղաքականություն
05.11.2020 | 12:33Ես չեմ կարող ասել, որ Փաշինյան-Ալիև հանդիպում այս պահին նախատեսված է: Այս մասին այսօր խորհրդարանում լրագրողների հետ զրույցում նշեց Հայաստանի ԱԳ նախարար Զոհրաբ Մնացականյանը՝ անդրադառնալով ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հնարավոր հանդիպման մասին հարցին: «Երբ կնախատեսվի, բնականաբար, կասենք»,- հավելեց նախարարը:
Արտգործնախարարների մակարդակով հանդիպման վերաբերյալ Զոհրաբ Մնացականյանը հիշեցրեց, որ վերջին հանդիպումը եղել է Ժնևում: «Աշխատանքն առօրյա է այդ առումով՝ և համանախագահների հետ: Համանախագահների հետ բոլոր մակարդակներով մեր աշխատանքները շարունակվում են՝ ըստ անհրաժեշտության: Ամեն ինչն իրավիճակային է, մենք ունենք իրավիճակային զարգացում: Մենք հիմա հետապնդում ենք շատ կոնկրետ նպատակներ, որոնք արտահայտված են հոկտեմբերի 10-ին հրադադարի մասին հայտարարության 4 կետերի մեջ»,- ասաց նախարարը:
Անդրադառնալով հարցին, թե ինչու Հայաստանը նպատակահարմար չի գտնում դիմել ՀԱՊԿ-ին՝ ԱԳ նախարարն ընդգծեց. «Մենք աշխատում ենք ըստ անհրաժեշտության, ըստ գնահատման՝ էֆեկտիվության առումով, ամեն ինչ արվում է կոնսուլտացիոն մեխանիզմների միջոցով»:
Մանրամասները՝ տեսանյութում:
