24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ռուստամ Բադասյանը՝ ահաբեկիչների հարցով միջազգային ատյաններ դիմելու մասին. ՏԵՍԱՆՅՈՒԹ
Հասարակություն
04.11.2020 | 12:12
Երեք պետության ղեկավար կամ արտաքին գործերի ոլորտը համակարգողները ընդունել են սիրիացի վարձկանների առկայությունը ԼՂ հակամարտության գոտում: Եվ սա կարող է առաջացնել տարբեր հետևանքներ։ Այս մասին լրագրողների հետ զրույցում ասաց ՀՀ արդարադատության նախարար Ռուստամ Բադասյանը։
«Նախ՝ բազմաթիվ կոնվենցիաներով, այդ թվում, վարձկանների հավաքագրման, ֆինանսավորման վերաբերող կոնվենցիաներով նախատեսվում է որոշակի ընթացակարգեր, օրինակ, այն պետությունները, որոնք ներգրավված կլինեն ահաբեկչության ֆինանսավորմանը, նրանք ունեն պարտականություններ ֆինանսական թափանցիկության, նման երևույթների բացահայտման, հաշիվների սառեցման:
Եթե հանկարծ պարզվի, իսկ դա, կարծում եմ, արդեն պարզվել է, որ, ունենալով նման խումբ պարտականություններ՝ պայքարելու ահաբեկչության ֆինանսավորման դեմ, դեռ մի բան էլ պետությունն ինքն է ֆինանսավորել ահաբեկչությունը կամ զինել վարձկաններին ու տեղափոխել հակամարտության գոտի, դա բավական լուրջ հետևանքներ կարող է առաջացնել բազմաթիվ կոնվենցիաների շրջանակներում: Հայաստանի կառավարությունում բոլոր իրավական հնարավոր պրոցեսները բավական մանրամասն քննարկվում են»,- նշեց նախարարը։
Անդրադառնալով հարցին, թե քննարկվում է արդյոք այդ հարցով Հաագայի դատարան դիմելու հարցը, նախարարը պատասխանեց. «Եկեք չշտապենք, որովհետև հիմնականում հիմա այդ հարցով ՄԻԵԴ-ում Հայաստանի ներկայացուցչի գրասենյակն է զբաղվում: Մենք կապի մեջ ենք և հենց բավարար հիմքեր լինեն կամ պահը գա որևէ պրոցես սկսելու, մենք այդ մասին կտեղեկացնենք»:
Մանրամասները՝ տեսանյութում:
