25.06.2026 | 09:33
ՀՀ տարածքում ավտոճանապարհներն անցանելի են
Փոխոստիկանապետը՝ Վազգեն Մանուկյանի աղմկահարույց գրառման մասին. ՏԵՍԱՆՅՈՒԹ
Քաղաքականություն
02.11.2020 | 14:08
Վարչական իրավախախտումների վերաբերյալ օրենսգրքի նոր փոփոխությունների արդյունքում ոստիկանությունը ամենօրյա, ամենժամյա մոնիթորինգ է իրականացնում՝ հիմնականում սոցցանցերի և էլեկտրոնային հրապարակումների հետ կապված: Այս մասին ԱԺ-ում լրագրողների հետ զրույցում ասաց փոխոստիկանապետ Արա Ֆիդանյանը:
«Այն կոչերը, այն ուղերձներն ու հղումները, որոնք պարունակում են Վարչական իրավախախտումների վերաբերյալ օրենսգրքով նախատեսված հանգամանքներ, դրանց առնչությամբ անմիջապես ձեռնարկվում են համապատասխան միջոցառումներ:
Ինչ վերաբերում է իշխանափոխության կոչերին, այդ ուղղությամբ ևս աշխատանքներ իրականացվում են, հիմնականում քրեորեն համապատասխան հոդվածներով աշխատանքներ են իրականացնում իրավապահ մարմինները՝ Դատախազությունը և ԱԱԾ-ն»,-ասաց փոխոստիկանապետը:
Նրա խոսքով՝ օրենսգրքով հստակ սահմանված է, թե որ գրառումների հետ կապված պետք է հսկողություն սահմանել և որ դեպքերում են դրանք ենթակա տույժերի և հեռացման:
Անդրադառնալով հարցին, թե արդյոք Վազգեն Մանուկյանի հետ, իշխանափոխության կոչով նրա հանդես գալուց հետո ոստիկանությունը կապ է հաստատել, ոստիկանապետն ասաց, որ անձանց հետ կապված տեղեկատվություն չի կարող տրամադրել. «Սակայն բոլոր դեպքերում, երբ առկա է լինում օրենսգրքով նախատեսված իրավախախտում, իրավապահ մարմինները զբաղվում են դրանով»:
Փոխոստիկանապետը հավելեց, որ համաձայն ՔՕ-ի՝ եթե իշխանության հրաժարական պահանջելը ուղեկցվում է բռնի տապալման կոչերով, դա համարվում է խախտում և ՔՕ 300 և 301 հոդվածներով նախատեսվում է պատասխանատվություն, իսկ եթե բռնի տապալման կոչեր չկան, օրենսգրքով որևէ գործողություն չի նախատեսվում:
Մանրամասները՝ տեսանյութում:
