07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ցանկացած հրադադարի պատասխան մենք ստացել ենք ոչ թե Բաքվից, այլ Անկարայից․ Վահրամ Պետրոսյան. ՏԵՍԱՆՅՈՒԹ
Քաղաքականություն
02.11.2020 | 13:01
Տարածաշրջանում բավականին լուրջ փոփոխություններ են տեղի ունենում, տեղի ունեցող գործընթացները միայն ղարաբաղյան հակամարտության համատեքստում չեն: Տեղի են ունենում հին դերակատարների վերաարժևորումներ և նոր դերակատարների ներգրավման միտումներ են զգացվում: Այս մասին այսօր «Արցախի դեմ Ադրբեջանի և Թուրքիայի սանձազերծած ագրեսիան, վարձկանների ներգրավվածությունը, միջազգային արձագանքը» թեմայով ասուլիսում ասաց ԵՊՀ Միջազգային հարաբերությունների ֆակուլտետի Միջազգային հարաբերությունների և դիվանագիտության ամբիոնի վարիչ Վահրամ Պետրոսյանը:
«Տեղի է ունենում կոնֆլիկտի սիրիականացում: Վարձկանների և արմատականների ներգրավումը Թուրքիայի կողմից նաև սիմվոլիկ նշանակություն ուներ՝ ամրապնդելու համար պատերազմի սիրիականացումը: Պատերազմի սիրիականացումը մի շղթա է, որն իր հետ բերելու է նոր իրողություններ, այն է՝ վերագնահատել դերակատարների դերը, և Մինսկի խմբի ձևաչափի փոխարեն ենթադրում է նոր ձևաչափ՝ Թուրքիա-ՌԴ-Իրան»,- ասաց Պետրոսյանը:
Նրա խոսքով՝ Թուրքիայի դերը դառնում է դոմինանտ. «Թուրքիան այնպիսի գործոնի է վերածվել, որ կարող է խոտորել անգամ հրադադարի ընթացքը: Ցանկացած հրադադարի պատասխան մենք ստացել ենք ոչ թե Բաքվից, այլ Անկարայից»,- նշեց Պետրոսյանը՝ հավելելով, որ Թուրքիային հաջողվել է հասնել նրան, որ ավելի ծանրակշիռ են համարվում Անկարայի հայտարարությունները, քան Բաքվի:
Մանրամասները՝ տեսանյութում:
