08.01.2026 | 23:31
Թուրքիայի ԱԳ նախարարը Սիրիայի քրդական ուժերին մեղադրում է Իսրայելի օրակարգին ծառայելու համար
Լեփ-լեցուն դահլիճներ՝ թատրոններում և հուշարձանների թերի վերականգնում․ Ամիրյանն ամփոփեց տարին
Մշակույթ
22.12.2017 | 16:08
Այսօր մշակույթի նախարար Արմեն Ամիրյանը հանդես եկավ տարեվերջյան ամփոփիչ ասուլիսով, որի շրջանակում անդրադարձավ 2017-ին մշակույթի ոլորտում ունեցած ձեռքբերումներին և բացթողումներին։
Նրա խոսքով՝ այս տարի թատերական ոլորտում, օրինակ, ունեցանք վերադասավորումներ, և կառավարման նոր մեթոդի արդյունքում Գյումրու Վարդան Աճեմյանի անվան թատրոնում նախորդ տարվա 11 հազարի համեմատ, այս տարի ունեցանք 23 հազար հանդիսատես։ Նախարարը ձեռքբերում համարեց նաև Մայր թատրոնում «Մեծապատիվ մուրացկանների» բեմադրությունը, որն ապահովեց լեփ-լեցուն դահլիճներ։ Ամիրյանի ներկայացմամբ՝ Սունդուկյան թատրոնի վերջին ամիսների ֆինանսատնտեսական ցուցանիշները ցույց են տվել հանդիսատեսի՝ 30 տոկոսից ավելի աճ, իսկ Ալ․ Սպենդիարյանի անվան օպերայի և բելատի ազգային ակադեմիական թատրոնում վեց ամսվա ընթացքում գրանցվել է հանդիսատեսի թվի 45 տոկոս աճ։ Որպես ձեռբերում նշվեց նաև 426 մշակութային միջոցառումների իրականացումը Հայաստանի մարզերում՝ «Մշակութային կանգառ» ծրագրի շրջանակներում։
Ինչ վերաբերում է բացթողումներին՝ ապա Ամիրյանն անդրադարձավ դեռևս նախորդ տարի նախատեսված պատմամշակութային 7 հուշարձանների վերականգնման ծրագրին․ տարվա վերջում արձանագրվեց, որ նախարարը դժգոհ էր կատարված աշխատանքների արդյունքից։ Սա Ամիրյանը որակեց որպես բացթողում՝ հավելելով, որ 2018-ին առցանց տեսախցիկներ են տեղադրվելու բոլոր վերականգնվող հուշարձանների մոտ, որի միջոցով վերահսկողություն կիրականացվի:
Նա անդրադարձավ նաև «Կինոյի մասին» օրենքին։ Ու թեև Ամիրյանը հավաստիացրեց, որ պետությունը կանգնած է տեղական կինոարտադրողի կողքին, լրագրողները հիշեցրեցին՝ բազմաթիվ կինոարտադրողներ փաստում են, որ տեղական կինոարտադրողին, ըստ օրենքի, արտոնություններ չեն տրվել։
Մանրամասները՝ տեսանյութում։
Աննա Բաբաջանյան
