18.11.2024 | 18:41
Շոլցը նախկինի պես համաձայն չէ Ուկրաինային TAURUS թևավոր հրթիռներ մատակարարել
Ժնևում ԼՂ-ի հարցով ԵԱՀԿ ՄԽ հանդիպումը փակ ռեժիմով կանցկացվի
Քաղաքականություն
30.10.2020 | 14:19
ԵԱՀԿ Մինսկի խմբի համանախագահները Հայաստանի և Ադրբեջանի ԱԳ նախարարների հետ հանդիպման նախաշեմին հինգշաբթի Ժնևում կարծիքներ են փոխանակել Լեռնային Ղարաբաղի հակամարտության կարգավորման շուրջ։ Բանակցություններն անցկացվելու են փակ ռեժիմով, հայտնել է ՏԱՍՍ-ի աղբյուրը։
«Հինգշաբթի տեղի է ունեցել Մինսկի խմբի համանախագահների հանդիպումը, իսկ այսօր ծրագրված է հանդիպում Հայաստանի և Ադրբեջանի ԱԳ նախարարների հետ»,- ասել է գործակալության աղբյուրը՝ ընդգծելով, որ այդ միջոցառումները «փակ են լինելու մամուլի համար»։
Աղբյուրի խոսքով՝ առայժմ հայտնի չէ՝ արդյո՞ք քննարկումների արդյունքներով հայտարարություն կհրապարակվի։
Հավելենք, որ Հայաստանի և Ադրբեջանի ԱԳ նախարարներ Զոհրաբ Մնացականյանի ու Ջեյհուն Բայրամովի և ԵԱՀԿ Մինսկի խմբի համանախագահների հանդիպումը նախապես ծրագրված էր հոկտեմբերի 29-ին, սակայն երեկ հայտնի դարձավ, որ հետաձգվել է և կայանալու է հոկտեմբերի 30-ին։
