08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ Գլենդել քաղաքը ճանաչեց Արցախի անկախությունը
Քաղաքականություն
28.10.2020 | 08:30
ԱՄՆ Գլենդել քաղաքի քաղաքային խորհուրդը Արցախի Հանրապետության անկախությունը ճանաչելու մասին բանաձև է ընդունել: Նշվում է, որ Արցախի Հանրապետությունը, որը հայտնի է նաև որպես Լեռնային Ղարաբաղ, պատմականորեն հայկական տարածք է, որի բնակչության մեծամասնությունը մշտապես եղել են հայեր:
Բանաձևում շեշտվում է, որ Արցախը, որպես ինքնավար մարզ, Խորհրդային միության տարիներին հանձնվել է Ադրբեջանին, իսկ ԽՍՀՄ փլուզումից հետո Լեռնային Ղարաբաղի ինքնավար մարզը հանրաքվեով միացել է Հայաստանին, սակայն բոլոր ջանքերն ապարդյուն են եղել։ Նշվում է նաև, որ 2020թ. սեպտեմբերի 27-ից մինչ օրս Արցախում և Հայաստանում հայկական դպրոցները, հիվանդանոցները, եկեղեցիներն ու տները Թուրքիայի և Ադրբեջանի կողմից ենթարկվում են հարձակումների՝ նպատակ ունենալով շարունակել ցեղասպան քաղաքականությունը։
«Գլենդելի քաղաքային խորհուրդը ճանաչում է Արցախի Հանրապետության անկախությունը և կոչ է անում Արցախի Հանրապետությանը՝ շարունակել զարգանալ որպես ազատ և անկախ պետություն, ինչպես նաև պաշտոնապես կոչ է անում Միացյալ Նահանգների նախագահին և ԱՄՆ Կոնգրեսին՝ ճանաչել Արցախի Հանրապետության անկախությունը՝ Հայկական լեռնաշխարհի (Հարավային Կովկաս) տարածաշրջանում խաղաղության և կայունության հաստատման նպատակով»,- ասվում է բանաձևում։
