08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
4 օրում՝ 80 բրդե ներքնակ ու պաշտպանիչ ցանցեր․ Կոջոյանի անվան կրթահամալիրը միացել է թիկունքում պայքարողներին. ՏԵՍԱՆՅՈՒԹ
Հասարակություն
26.10.2020 | 20:05
Առաջնագծում շարունակվող պատերազմի ընթացքում թիկունքից աջակցության իր բաժինն է փոխանցում Հակոբ Կոջոյանի անվան կրթահամալիրը։ Դասագրքերին այստեղ փոխարինել են մկրատները, ցանցերն ու բուրդը, որ հնարավորինս արագ պատրաստ լինի հերթական պաշտպանիչ ցանցն ու ոչ միայն։
Աշխատող ձեռքերի պակաս չկա՝ հաղթանակի մեծ գործին փոքրիկ ներդրում ունենալուն միացել են ուսուցիչներ, աշակերտներ, ծնողներ և պարզապես կամավորներ։
Դպրոցի փոխտնօրեն Ռուզաննա Երեմյան էլ է եղել կամավոր, հմտությունը է ձեռք բերել ու արդեն իրենց դպրոցում են աշխատանքները կազմակերպել: Աշխատող ձեռքերը շատ են, պարզապես հերթափոխով են գալիս, որ փակ տարածքում կուտակումներ չլինեն։ Փոխտնօրենն ասում է՝ ներքին թշնամու դեմ էլ է պետք պայքարել։
Դպրոցի միջանցքի տարբեր հատվածներում ամրացված ցանցերի դատարկ հատվածները շատ արագ են լրացվում։
Բացի պաշտպանիչ ցանցերից՝ 4 օրում արդեն 80 բրդե ներքնակ են կարել, 100-ը հենց լրանա՝ ներքնակները կընկնեն ճամփա դեպի Արցախ։ Վերջում ավելացնում են՝ ամեն դրվող կարի հետ աղոթում են՝ թող այսօրվա արած աշխատանքը վաղն այլևս պետք չգա։
Մանրամասները՝ տեսանյութում։
Իրինա Մկրտչյան
