01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Կոսովոյի սցենարն Արցախի պարագայում կիրառելն այնքան էլ շահեկան չէ մեզ համար․ պատմաբան. ՏԵՍԱՆՅՈՒԹ
Հասարակություն
26.10.2020 | 15:55
Ներկայումս ակտիվորեն առաջ է մղվում «Անջատում՝ հանուն փրկության» թեզը, որը նման է Կոսովոյի սցենարին, բայց Կոսովոյի և Արցախի միջև համեմատականներ անցկացնելը և այդ սցենարը կիրառելը այնքան էլ շահեկան չէ մեզ համար: Այս մասին այսօր կայացած ասուլիսում նշեց ՀՀ ԳԱԱ պատմության ինստիտուտի հայկական հարցի և հայոց ցեղասպանության պատմության բաժնի վարիչ, պատմական գիտությունների դոկտոր, պրոֆեսոր Արմեն Մարուքյանը:
Նրա դիտարկմամբ՝ երկու չճանաչված պետությունների՝ Կոսովոյի և Արցախի պատմական հիմքը էականորեն տարբեր են: «Մեր պարագայում անջատումը տեղի է ունեցել 30 տարի առաջ: Մենք պետք է խոսենք ոչ թե հանուն փրկության անջատման մասին, այլ դե ֆակտո գոյություն ունեցող անկախության ճանաչման՝ հանուն գոյության»:
Պատմաբանը նաև նկատեց, որ Արցախի դեպքում ՆԱՏՕ-ի անդամ երկիր է ներգրավված կոնֆլիկտում, հետևաբար խնդրահարույց է՝ արդյո՞ք Արևմուտքի կողմից կլինի սատարում այս բանաձևով առաջ գնալու դեպքում:
Պատմաբանը կարծիք հայտնեց, որ ավելի նպատակահարմար է ոչ թե Կոկոսովոյի նախադեպը որպես սցենար դիտել, այլ, օրինակ՝ Աբխազիայի, Հարավային Օսեթիայի նախադեպերը: «Սա ավելի երաշխավորված կլինի»,- նշեց Մարուքյանը:
Մանրամասները՝ տեսանյութում:
