01.07.2026 | 10:29
Ուկրաինական ԱԹՍ-ները գրոհել են Պենզան․ հարձակման է ենթարկվել պաշտպանական գործարան
Վարձկանների նոր հոսք ռազմաճակատի գոտի չկա, Թուրքիան արդեն իր հատուկջոկատայիններին է բերում․ պատմաբան. ՏԵՍԱՆՅՈՒԹ
26.10.2020 | 15:43
Վարձկանների նոր հոսք դեպի ռազմաճակատի գոտի չկա, Թուրքիան արդեն ստիպված է ապավինելու իր հատուկջոկատայիններին: Այս մասին ասուլիսում ասաց ՀՀ ԳԱԱ պատմության ինստիտուտի հայկական հարցի և հայոց ցեղասպանության պատմության բաժնի վարիչ, պատմական գիտությունների դոկտոր, պրոֆեսոր Արմեն Մարուքյանը:
«Մենք պետք է պատմական դասեր քաղենք և հասկանանք, որ գործ ունենք նույն ոխերիմ թշնամու հետ: Իրավիճակը 100 տարի անց հօգուտ հայ ժողովրդի է, եթե այն ժամանակ երկկողմանի ճնշում էր գործադրվում՝ բոլշևիկյան Ռուսաստանի և քեմալական Թուրքիայի կողմից, այսօր ՌԴ-ն մեր ռազմավարական դաշնակիցն է և բազմիցս պատրաստակամություն է հայտնել սատարելու թե՛ դիվանագիտական, թե՛ ՀՀ-ին սպառնացող վտանգների դեպքում նաև ռազմական օգնություն ցուցաբերելու առումով:
Չնայած դաշնակցային պարտավորությունների վերաբերյալ տարբեր խոսակցություններին, որոշակի փաստեր կան, որոնք իրավունք են տալիս պնդելու, որ ՌԴ-ի կողմից այդ պարտավորությունները կատարվում են: Խոսքը վերաբերում է Իդլբի շրջանում հրետակոծությանը, գաղտնիք չէ, որ հենց այնտեղից էր Թուրքիան ահաբեկիչներ մատակարարում Ադրբեջանին: Վերջին զարգացումները ցույց են տալիս, որ այնտեղից այլևս ահաբեկիչներ չեն բերվում, բոլոր բազաները, ըստ էության, ոչնչացված են: Վերջին տեղեկատվությունն առ այն, որ թուրք հատուկջոկատայիններ են բերվում, խոսում է այն մասին, որ այլևս ահաբեկիչների մուտք չկա ռազմաճակատի գոտի, և Թուրքիան ստիպաված է ապավինելու սեփական հատուկջոկատային ուժերին»,- նշեց պատմաբանը:
Նա նշեց, որ կարևոր հանգամանք է նաև վերջին շրջանում Ադրբեջանի օդուժի սահմանափակումը. «Սա նշանակում է, որ մեր ռազմավարական դաշնակիցը, ուղիղ չներգրավվելով ռազմական գործողությունների մեջ, անուղղակիորեն աջակցում է Հայաստանին»:
«Մենք ունենք հաղթանակած բանակ, որը տարածաշրջանում համարվում է լավագույնը. իրավիճակը հօգուտ Հայաստանի է»,- ընդգծեց Մարուքյանը:
Մանրամասները՝ տեսանյութում:
