10.06.2026 | 14:14
Զախարովան ԵՄ-ին մեղադրել է «ՀՀ-ում ընտրական գործընթացը վերահսկելու, ՔՊ-ին՝ ընդդիմության նկատմամբ ճնշումների» մեջ
Ալիևը խոսել է թուրքական F-16 կործանիչների օգտագործման հնարավորության մասին
26.10.2020 | 13:31
Ադրբեջանի նախագահ Իլհամ Ալիևն այսօր ադրբեջանցիներին ուղղված ուղերձում ասել է, որ կարող են օգտագործել թուրքական F-16 կործանիչները, գրում է ՌԻԱ Նովոստին։
«Թուրքական F-16 կործանիչները կօգտագործվեն Ադրբեջանի նկատմամբ արտաքին ագրեսիայի դեպքում»,- ասել է Ալիևը։
Նշենք, որ ադրբեջանական կողմը սեպտեմբերի 27-ին սանձազերծած պատերազմի ընթացքում ակտիվորեն օգտագործում է F-16 կործանիչները, այն խոցել է հայկական ՍՈՒ-25-ը։
Արցախում պատերազմական գործողությունների մեկնարկից ի վեր հայկական կողմը հայտարարում է, որ ադրբեջանական ԶՈՒ-ն օգտագործում է թուրքական F-16-երը, որոնց Ադրբեջանում լինելու փաստը Ալիևը երկար ժամանակ հերքում էր։ Միայն CNN-ի հետ զրույցում Ալիևն առաջին անգամ խոստովանեց, որ թուրքական F-16 կործանիչները իր երկրի տարածքում են՝ պնդելով, սակայն, թե չեն կիրառում դրանք։
Էմմա Չոբանյան
