14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Արցախում լույսը երբեք չի մարի․ թիկունքում պայքարողների մտքի ու ձեռքի աշխատանքը՝ UPS-ները, հասել են առաջնագիծ. ՏԵՍԱՆՅՈՒԹ
Հասարակություն
23.10.2020 | 20:27
Առաջնագիծն ունի ամուր թիկունք։ Պռոշյան 12 հասցեում 10 օր առաջ, առաջին անգամ մի քանի ընկերով փորձարկեցին 12 վոլտը 220-ի վերափոխելու տարբերակներ, արդյունքը գոհացրեց, առաջնագծում էլ կարիքը կար և անցան գործի։
Սկսվեց թե՛ կամավորների հոսքը, թե՛ UPS-ներ հասցնողների։ Աշխատող ձեռքերը օր օրի են ավելանում, նույն արագությամբ էլ ավելանում են ձևափոխման ենթակա UPS-ների քանակը։
Կամավորներից մեկը 65 տարեկան Արա Համբարձումյանն է։ Գիտի, որ այսօր ձևափոխում չեն անելու, բայց եկել է, գուցե օգնելու այլ բան լինի։
Բայց քանի դեռ չեն կանչել, գոնե այստեղ մի բանով է պետք օգտակար լինել՝ ասում է վարպետ Արան։ Տարիներ առաջ կողքի դրած հմտությունն է վերհիշել, անցել գործի։
Այսպես միասնական 10 օրերի ընթացքում վերափոխել են շուրջ 3000 սարքավորում, շուրջ 2000-ն արդեն առաջնագծում են։ Իսկ աշխատող ձեռքերը ոչ միայն տարիների փորձ ունեցողներն են, որ վերհիշում են իրենց հմտությունները, այլև մարդիկ, որոնք հենց տեղում են սովորում ինչ և ինչպես անել, որ Արցախում երբեք լույսը չմարի։
Մի քանի հազար UPS-ներ դեռ կան, որ պիտի ձևափոխեն, բայց էլի են ընդունում: Մեր նկարահանման ընթացքում դրանց թիվն ավելացավ ևս մի քանիսով։ Ասում են՝ ֆեյսբուքից են հասցեն իմացել, պատերազմողների հետ են՝ ինչպես կարողանում են։ Ասում ենք շնորհակալություն, պատասխանում են՝ շնորհակալություն չկա, մեծ բան չէ, մեծ բաները՝ 20 տարեկան տղերքն են անում՝ առաջնագծում։
Մանրամասները՝ տեսանյութում:
