28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Հայաստանում դատվում են անպաշտպանները. ի՞նչ են մտածում պատգամավորներն Ազնավուրի հայտարարության մասին
Քաղաքականություն
19.12.2017 | 20:34
Երբ մեկը երկու ձու է գողանում, նրան բանտարկում են, մինչդեռ այն մարդիկ, որոնք միլիոններ են գողանում, մնում են անպատիժ. օրերս ֆրանսիական պարբերականներից մեկին տված հարցազրույցում ասել է Շվեյցարիայում Հայաստանի Հանրապետության դեսպան, ֆրանսիահայ երգիչ, երգահան Շառլ Ազնավուրը՝ սուր քննադատության ենթարկելով Հայաստանի իշխանություններին:
Factor.am-ը պատգամավորներից հետաքրքրվեց՝ ի՞նչ են մտածում աշխարհահռչակ երգչի հայտարարությունների մասին:
«Ծառուկյան» խմբակցության պատգամավոր Վահե Էնֆիաջյանը կարծում է, որ ցանկացած հայտարարություն պետք է հստակ հասցեատեր ունենա: Խմբակցության մեկ այլ պատգամավոր՝ Վարդևան Գրիգորյանը, սակայն, այլ դիրքորոշում ունի, ասում է՝ Շառլ Ազնավուրը նման հայտարարություն անելու համար հիմքեր ունի:
Ընդդիմադիր «Ելք» խմբակցության պատգամավոր Մանե Թանդիլյանը պնդում է՝ աշխարհահռչակ երգչի ասածները նորություն չեն հայ հասարակության համար:
Հավելենք, որ Ազնավուրի կողմից արված այս հայտարարությունը Հայաստանում մեծ աղմուկ է բարձրացրել: Այսօր մամուլում արտաքին գործերի նախարարության անունից հրապարակվեց ուշագրավ մի հայտարարություն, որտեղ հերքվում էին Շառլ Ազնավուրի՝ ֆրանսիական պարբերականի հետ զրույցում արված հայտարարությունները՝ դրանք վերագրելով սխալ թարգմանությանն ու կոնտեքստից կտրելուն: ԱԳՆ-ից, սակայն, հայտարարեցին, որ իրենք հերքման տեքստ չեն հրապարակել և տեղի ունեցածը թյուրիմացության արդյունք է:
Մանրամասները՝ տեսանյութում:
Շողիկ Գալստյան
