17.09.2026 | 21:43
Թրամփն ու Էրդողանը հաջորդ շաբաթ կհանդիպեն Նյու Յորքում
Դիմել ենք ՄԻԵԴ՝ կիրառված միջանկյալ միջոցի շրջանակներն ընդլայնելու խնդրանքով․ Եղիշե Կիրակոսյան. ՏԵՍԱՆՅՈՒԹ
Հասարակություն
19.10.2020 | 13:50
Հայաստանը երեկ կրկին դիմել է Մարդու իրավունքների եվրոպական դատարան՝ ադրբեջանցի զինվորականների կողմից հայ ռազմագերիների կամայական գնդակահարությունների, դիակների խոշտանգումների, գլխատումների դրվագների վերաբերյալ տարածվող տեսանյութերի փաստով։ Այս մասին այսօր հրավիրված ասուլիսի ժամանակ տեղեկացրեց Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանը:
«Այդ ամենն ուղղակի սարսափելի է, և թե՛ մարդասիրական, թե՛ մարդու իրավունքների տեսանկյունից անընդունելի։ Հաշվի առնելով այդ հանգամանքը՝ մենք դիմել ենք ՄԻԵԴ՝ կիրառված միջանկյալ միջոցի շրջանակներն ընդլայնելու խնդրանքով, որպեսզի այն ոչ միայն քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորմանը վերաբերի, այլ նաև վերաբերի ադրբեջանական իշխանությունների վերահսկողության ներքո հայտնված ցանկացած անձի անվտանգության ապահովման հարցին: Դատարանի կողմից առաջիկա օրերին պատասխան ենք ակնկալում: Հուսանք, որ այն կլինի դրական։ Սա կարևոր քայլ է»,- նշեց Կիրակոսյանը։
Հիշեցնենք՝ Հայաստանն օրեր առաջ դիմել էր Մարդու իրավունքների եվրոպական դատարան՝ Թուրքիայի նկատմամբ միջանկյալ միջոց կիրառելու խնդրանքով, որպեսզի կանխվի վերջինիս ուղղակի և անուղղակի մասնակցությունն արցախյան պատերազմին։ Ներկայացվել են միջամտությունները հաստատող փաստեր:
Մանրամասները՝ տեսանյութում:
