20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բիզնեսը՝ հանուն հաղթանակի․ գնված ապրանքի գումարն ուղղվում է հիմնադրամին. ՏԵՍԱՆՅՈՒԹ
Հասարակություն
16.10.2020 | 18:36
Պատերազմից առաջ ու հետո տարբեր է ոչ միայն զինվորների, այլ նաև բիզնեսով զբաղվողների կյանքը։ Այս օրերին բազմաթիվ մարդիկ փորձում են ինչ-որ կերպ օգնել բանակին։ Նրանցից մեկը «3 ձուկ» ապրանքանիշի թիմն է։ Պատերազմի մեկարկից հետո փոխվեց ոչ միայն իրենց «արտադրանքի» բովանդակությունը, այլ նաև վաճառքից գոյացած հասույթն ուղղվեց «Հայաստան» համահայկական հիմնադրամին։
Արցախի նախագահի նկարներով բաժակներ, Արծրուն Հովհաննիսյանը՝ հրթիռի ֆոնին՝ պայուսակ, «Հաղթելու ենք» գրառումներով ստիկերներ։ Այս ամենի վաճառքից գոյացած գումարը այս օրերին ուղղվում է մեկ հասցեով։
«3 ձուկը» երեք տարեկան է, մինչև պատերազմը իրենց հիմնական աշխատանքը հեռախոսային հավելվածների մշակումն է եղել, հիմա աշխատանքի բնույթը փոխվել է հանուն մեկ նպատակի՝ հաղթելու, պատվերներն էլ ոչ միայն ՀՀ-ի տարածքից են, այլ նաև սփյուռքից:
Երվանդ Հովոյանի՝ Գեղանիստում գտնվող արտադրամասն էլ պատերազմից առաջ պայուսակներ էր կարում, հիմա արդեն՝ քնապարկեր, անձրևապաշտպան վերարկուներ, բարձեր և զինվորներին անհրաժեշտ այլ պարագաներ։
Հովոյանին նախնական շրջանում արտադրանքի հումք գնելու համար օգնել են ընկերներն ու Եվրոպայում գտնվող ընտանիքը, հիմա, սակայն, հումքի խնդրի առաջ են կանգնել։ Ասում է՝ ինքն ու իր աշխատակիցները պատրաստ են օր ու գիշեր, առանց վարձատրության շարունակել աշխատանքը, միայն թե գտնվեն մարդիկ, որոնք կօգնեն հումք ձեռք բերել:
Հովոյանը նաև պատմեց, որ զինվորներին պարագաներ ուղարկելիս Հայաստանի դրոշն է դնում, դա էլ որպես հաղթանակի խորհրդանիշ։
Մանրամասները՝ տեսանյութում։
Լիլիթ Շաբոյան
