13.03.2026 | 23:28
Կուբան բանակցություններ է սկսել ԱՄՆ-ի հետ
«Ելք»-ը պետք է ԱԺ-ում հանդես գա Սերժ Սարգսյանին իմպիչմենթ հայտնելու նախաձեռնությամբ. Արթուր Սաքունց
Քաղաքականություն
18.12.2017 | 23:01
«Հելսինկյան քաղաքացիական ասամբլեայի Վանաձորի գրասենյակի» ղեկավար, իրավապաշտպան Արթուր Սաքունցը կարծում է, որ ընդդիմադիր «Ելք» դաշինքը պետք է Ազգային ժողովի օրակարգ ներառի նախագահ Սերժ Սարգսյանին իմպիչմենտ հայտնելու նախաձեռնությունը:
Այս մասին Factor.am-ի հետ զրույցում ասաց իրավապաշտպանը: «Եթե «Ելք»-ը գտնում է, որ ԵՏՄ-ից դուրս գալու վերաբերյալ նախաձեռնությունը կարող է Ազգային ժողովի օրակարգ դրվել, ապա ԱԺ օրակարգ պետք է դրվի նաև Սերժ Սարգսյանին իմպիչմենտ հայտնելու նախաձեռնությունը՝ հատկապես տեղական ինքնակառավարման մարմինների ղեկավարների հետ հանդիպումից հետո, բայց մենք չենք տեսնում նման նախաձեռնություն»,- ասաց իրավապաշտպանը՝ նկատելով, որ Սերժ Սարգսյանը կուսակցական դաշտում ունի կոնսենսուս:
Ինչ վերաբերում է 2018 թվականի ապրիլին վարչապետի պաշտոնը զբաղեցնելու Սերժ Սարգսյանի ցանկությանը, ապա իրավապաշտպանը պնդեց՝ Սարգսյանն իրեն առանց իշխանության չի պատկերացնում:
«Ինքը մեկ վայրկյան եթե առանց իշխանության մնա, ապա կարող է ինֆարկտ ստանալ: Այսինքն՝ դա հոգեբանություն է, մտածելակերպ»,- շարունակեց Սաքունցը:
Մանրամասները՝ տեսանյութում:
