28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Բելգիայի ֆլամանական խորհրդարանը միաձայն Արցախում պատերազմական գործողությունները դատապարտող բանաձև է ընդունել
15.10.2020 | 18:15
Բելգիայի ֆլամանական խորհրդարանը միաձայն բանաձև է ընդունել՝ բարձրաձայնելով Արցախի խաղաղ բնակչության դեմ մարդասիրական իրավունքի խախտումների մասին: Այս մասին հաղորդագրություն է տարածել ՀՅԴ Եվրոպայի Հայ դատի հանձնախումբը։
Բանաձևում նշվում է, որ
- Հոկտեմբերի 12-ին հրադադարի մասին ձեռք բերված համաձայնությունը խախտվել է Ադրբեջանի կողմից մայրաքաղաք Ստեփանակերտի ռմբակոծությամբ;
- Ամենից շատ տուժել է Արցախի խաղաղ բնակչությունը։ Ադրբեջանը խախտում է մարդասիրության միջազգային օրենքները;
- Ադրբեջանի դաշնակից Թուրքիայի աշխարհաքաղաքական շահերը ապակայունացնում են տարածաշրջանը;
- Հազարավոր սիրիացի զինյալներ են ներգրավված մարտերում։
Ֆլամանական խորհրդարանի բանաձևի նախաբանում հանգամանալից ներկայացվում է ղարաբաղյան հակամարտության նախապատմությունը։
«1923-ին գերազանցապես հայերով բնակեցված Լեռային Ղարաբաղն ընդգրկվել է Խորհրդային Ադրբեջանի կազմում;
1989-ին ԼՂԻՄ-ը Խորհրդային Հայաստանին միանալու հայտ է ներկայացրել, սակայն այն մերժվել է Խորհրդային Միության կողմից;
1991թ. սեպտեմբերի 2-ին Լեռնային Ղարաբաղն անկախություն է հռչակել;
Արցախն ինքնավար երկիր է, 2017-ին Լեռնային Ղարաբաղը Հանրապետեությունը ընդունել է Արցախի Հանրապետություն անունը»,- ասվում է փաստաթղթում։
