14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
«Ինքն իր զինվորի կողքին էր միշտ»․գնդապետ Վահագն Ասատրյանը հետմահու Ազգային հերոսի կոչում ստացավ. ՏԵՍԱՆՅՈՒԹ
Հասարակություն
15.10.2020 | 17:45
«Եղիր խիստ, բայց արդարացի, բոլորը մեկի համար, մեկը՝ բոլորի»,- սա հերոսի համար առաջ գնալու, ապրելու նախապայմանն է։
Գնդապետ Վահագն Ասատրյանը 23 տարի Հայոց բանակին ծառայելուց հետո ադրբեջանա-թուրքական ահաբեկչական մարտերում երկու օր առաջ հերոսի մահով ընկավ։ Այսօր վարչապետ Նիկոլ Փաշինյանը նախագահին միջնորդություն է ներկայացրել՝ Վահագն Ասատրյանին հետմահու Ազգային հերոսի կոչում շնորհելու մասին։
Ասատրյանի համար հերոսի իրական կերպար էր Մոնթե Մելքոնյանը։ Մարտական ընկերները պատմում են՝ ինքն էլ Մոնթեի պես իր զինվորներին մենակ չէր թողնում։
«Ինքը մեր լավ հրամանատարն ա, ինքը որտեղ զոհվել ա, էդտեղ գործ չուներ, բայց ինքն իր զինվորի կողքին ա եղել միշտ․․․ Իր նպատակը մենք հաղթանակն էր, մեր բոլորիս նպատակն է դա, և մենք հաղթելու ենք հաստատ, մենք պետք ա մեր հրամանատարի վրեժը լուծենք»,- Factor.am-ի հետ զրույցում ասաց փոխհրամանատար Ավետիս Առաքելյանը։
Հերոսը երկու անչափահաս երեխա ունի։ Մարտի դաշտում Վահագն Ասատրյանի սխրանքների մասին ընկերները փակագծեր չեն բացում, ասում են՝ այդ մասին պատերազմի ավարտից հետո։
Հրամանատար Վահագն Ասատրյանն այսօր Եռաբլուրում զինվորական կարգով հուղարկավորվեց։
Մանրամասները՝ տեսանյութում։
Լիլիթ Շաբոյան
