22.01.2026 | 21:39
Մակրոնը հայտնել է Ֆրանսիայի ՌԾՈՒ-ի կողմից պատժամիջոցների ներքո գտնվող ռուսական լցանավի կալանման մասին
Իշխանությունը խաբեց ուսանողներին. Արթուր Սաքունց
Քաղաքականություն
18.12.2017 | 17:53
Ուսանողությունը պատրաստ էր երկխոսության, սակայն իշխանությունը հերթական անգամ խաբեց ուսանողներին և հասարակությանը: Այս մասին Factor.am- ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը՝ անդրադառնալով «Հանուն գիտության զարգացման» նախաձեռնության անդամների կողմից այսօր վերսկսված ակցիաներին:
Հիշեցնենք՝ նախաձեռնությունն այսօր հայտարարություն էր տարածել՝ տեղեկացնելով. «Կառուցողական դիրքորոշում ցուցաբերելուց և գոնե փոխադարձաբար ընդունելի որևէ արդյունքի չհասնելուց հետո «Հանուն գիտության զարգացման» նախաձեռնությանը այլ բան չի մնում, քան ավարտված համարել իշխանությունների հետ քննարկումները և պայքարը շարունակել այն կետից, որտեղ դադար էր առել»։
Ըստ իրավապաշտպանի՝ կառուցողական երկխոսության մասին խոսող իշխանությունը պետք է գործընթացը կասեցներ այն ժամանակ, երբ «Զինվորական ծառայության և զինծառայողի կարգավիճակ մասին» օրինագիծը դեռ ընդունված չէր:
«Իրենք իրենց քաղաքական որոշումը կայացրել էին և ոչ մի երկխոսության պատրաստ չէին: Ուսանողությունն էլ, տեսնելով այդ ամենը, վերսկսեց ակցիաները»,- շարունակեց իրավապաշտպանը՝ ընդգծելով, որ խորհրդարանական ուժերն ու քաղհասարակությունը պետք է աջակցեն ուսանողներին:
Մանրամասները՝ տեսանյութում:
