19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Սա անմիջական մարտահրավեր է Ռուսաստանին, սա ապտակ է Ռուսաստանին․ Վլադիմիր Սոլովյովը՝ Ադրբեջանի կողմից ՀՀ տարածքին հարվածելու մասին
Քաղաքականություն
14.10.2020 | 18:19
Ռուս լրագրող Վլադիմիր Սոլովյովը «Соловьёв LIVE»-ի ընթացքում անդրադարձել է Ադրբեջանի կողմից Հայաստանի տարածքին հարվածելուն։
Նա նշել է, որ եթե Ռուսաստանը քայլեր չձեռնարկի, ապա ոչ մի պետություն այլևս չի ցանկանա լինել ՌԴ հովանու ներքո։
«ՀԱՊԿ-ը ընդհանրապես ի՞նչ է։ Հայաստանը, որ հանդիսանում է մեր գործընկերը, գտնվո՞ւմ է մեր հովանու ներքո, թե՞ ոչ։ Ադրբեջանի Զինուժն ուղղակի կերպով խոստովանում է, որ անմիջականորեն խփել է Հայաստանի տարածքին, ընդ որում՝ նրանք դա անվանում են պրեվենտիվ։ Այսինքն՝ նրանք կարծում են, որ կարող են թիրախներ խոցել մեր դաշնակցի տարածքում։ Նրանց մոտ գործում են ահաբեկչական խմբավորումներից ահաբեկիչներ, որոնց մենք ոչնչացնում ենք Սիրիայում, իսկ հիմա նրանք հայտնվել են մեր սահմաններից 80 կմ հեռավորության վրա, որոնց բերում է այստեղ Ադրբեջանը կամ, ինչպես հիմա է պարզվում, նրա եղբայր Թուրքիան, և նրանք այնքան հանդգնություն ունեն, որ խփում են մեր դաշնակցի տարածքին։ Այսինքն՝ սա անմիջական մարտահրավեր է Ռուսաստանին, սա ապտակ է Ռուսաստանին։ Այս սադրանքին հավանություն տվե՞լ է Ադրբեջանի ղեկավարը, թե՞ ոչ, նա պատրաստվո՞ւմ է դրա համար ներողություն խնդրել, թե՞ ոչ։ Այսինքն՝ Ադրբեջանի ՊՆ ղեկավարն ինքնուրույն է որոշում կայացրել հարված հասցնել մեր դաշնակցի տարածքին»,- հայտարարել է Սոլովյովը՝ հարցադրում անելով, թե հիմա սա համարվում է հայ-ադրբեջանական պատերա՞զմ։
«Ո՞վ կցանկանա այսքանից հետո քայլել Ռուսաստանի անձրևանոցի տակ, եթե Ռուսաստանը չի պաշտպանում իր դաշնակիցներին»,- հռետորական հարց է ուղղել Սոլովյովը։
Տաթև Ֆռանգյան
