05.02.2026 | 14:11
Մակրոնի բանագնացը Մոսկվայում ռուս պաշտոնյաների հետ է հանդիպել՝ Ուկրաինայում խաղաղության բանակցությունների համար
Մենք պարտադրված ենք հաղթել․ կամավորականները մեկնում են ճակատ. ՏԵՍԱՆՅՈՒԹ
14.10.2020 | 13:34
Այսօր Հայաստանից կամավորականների հերթական խումբը մեկնեց Արցախ՝ պաշտպանելու հայրենիքը: Factor TV-ն զրուցեց նրանցից մի քանիսի հետ: Կամավորականների ոգին մարտական է, պատրաստ են մինչև վերջ պայքարելու և վստահ են, որ հաղթանակը մերն է լինելու:
«Մեր երկիրը վտանգված է՝ Արցախի հետ միասին: Մենք պարտավոր ենք ազգովի մեր երկիրը պաշտպանել և դեռ պետք է առաջ գնանք, Մինչև Քուռ պետք է հասնենք: Մենք պարտադրված ենք հաղթել: Մեր տան համար ենք կռվում, վարձկան չենք»,- ասաց պահեստազորի գնդապետ Վոլոդյա Ավետիսյանը:
Կամավորականների շարքում է կինոռեժիսոր, Հայաստանի եվրոպական կուսակցության նախագահ Տիգրան Խզմալյանը: «Պետք է անենք այնպես, որ մեր երեխաների սերունդը թաղելով հիմա՝ տարիներ անց չմասնակցենք մեր թոռների հուղարկավորությանը»,-նշեց նա:
Ազատամարտիկ Գագիկ Սարուխանյանն էլ շեշտեց՝ պետք է ապավինել միջազգային հանրությանը, բայց վերջնական խնդիրը լուծում է հայ զինվորը. «Պետք չէ 100 տոկոսով ապավինել որևէ երկրի: 30 տարի առաջ ապացուցել ենք, որ մեր զինվորի բազուկը կարողացել է կոտրել ադրբեջանցիների մեջքը և այսօր էլ արդեն հաղթել ենք»:
Մանրամասները՝ տեսանյութում:
Մերի Մարտիրոսյան
