08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Երևանի մետրոպոլիտենում ոստիկանությունը խստացված հսկողություն է իրականացնում
Հասարակություն
14.10.2020 | 12:39
Ռազմական դրությամբ պայմանավորված` Երևանի մետրոպոլիտենի կայարաններում ոստիկանությունը խստացված հսկողություն է իրականացնում: Ոստիկանների ուշադրության կենտրոնում են հատկապես ուսապարկով ուղևորները, որոնց պայուսակները մանրակրկիտ խուզարկվում են:
Մետրոպոլիտենի կայարանում Factor TV-ի թղթակցին ոստիկաններից մեկը փոխանցեց՝ այս ստուգումներով փորձում են կանխել զենքի հավանական տեղափոխումը:
Factor TV-ին ոստիկանության հասարակայնության հետ կապերի և լրատվության վարչության պետ Աշոտ Ահարոնյանից հետաքրքրվեց՝ արդյոք այս օրերին որևէ քաղաքացի փորձե՞լ է մետրոյով զենք տեղափոխել: «Մետրոպոլիտենը միշտ հսկողության տակ է եղել, հիմա՝ առավել ևս»,- կարճ պատասխանեց ոստիկանության պաշտոնյան:
Նարեկ Կիրակոսյան
