07.06.2026 | 09:11
Մենք ուզում ենք մնալ տարածաշրջանի ամենաժողովրդավար երկիրը. Նարեկ Կարապետյանը քվեարկեց. ՏԵՍԱՆՅՈՒԹ
Ճիշտ պահն է, որ ճանաչենք Արցախի անկախությունը, էթնիկ զտման վտանգ կա. Միքայել Մելքումյան. ՏԵՍԱՆՅՈՒԹ
Քաղաքականություն
13.10.2020 | 13:33
Հայկական պատվիրակությունը և այլ երկրներից տարբեր պատվիրակներ իրենց ելույթներում ընդգծեցին, որ պետք է հրատապ դադարեցնել կրակը: Մենք արձանագրեցինք, որ դրանք ոչ միայն ռազմական գործողություններ են, որոնք նաև Թուրքիայի կողմից են ղեկավարվում, այլև մի քանի առանձնահատկությւոններ ունեն։ Այս մասին այսօր Ազգային ժողովում լրագրողների հետ զրույցում ասաց «Բարգավաճ Հայաստան» խմբակցության պատգամավոր Միքայել Մելքումյանը՝ անդրադառնալով ԵԽԽՎ նիստում ելույթներին։
«Առաջինը, որ դա խաղաղ բնակչության նկատմամբ խայտառակ հարձակում էր, մշակութային կոթողները ռմբակոծվեցին։ Առաջին անգամ ես շեշտել եմ, որ սա նաև Թուրքիայի կողմից մասնակցություն է, որը 30 տարիներ ընթացքում այսպես ակնհայտ չի եղել։ Սա տոտալ միջազգային տեռորիզմի դրսևորում է, փաստերը կան։ Իմ վերջին միտքն այն էր, որ Արցախում ապրող հայ ժողովրդի անվտանգության երաշխիքներից մեկը նրա անկախության ճանաչումն է»,- ասաց Միքայել Մելքումյանը։
Նրա կարծիքով՝ Արցախի անկախության ճանաչման գործընթացն անհետաձգելի է։ «Առաջիկա օրերի ընթացքում մեր ժողովուրդը, ամբողջ խորհրդարանը պետք է Արցախի ճանաչման գործընթաց սկսենք, հիմա ճիշտ պահն է, սրանից պատեհ պահ չի կարող լինել, երբ կարմիր գծերը բոլոր կողմերից անցել են»,-ասաց պատգամավորը։
Հարցին՝ դա չի՞ բերի իրավիճակի սրացման, Միքայել Մելքումյանն ասաց, որ վիճակը հիմա էլ սրված է։
«Էլ ի՞նչ պետք է լինի։ Մենք առաջիկա օրերին պետք է բոլոր ուժերը ներդնենք, որ այդ ճանաչումը լինի»,- ընդգծեց Միքայել Մելքումյանը։
ԲՀԿ-ական պատգամավորի դիտարկմամբ՝ ԵԽԽՎ-ում տարբեր պատվիրակությունների տրամադրվածությունը արցախյան պատերազմում Թուրքիայի մասնակցությամբ դեմ էին։
Մանրամասները՝ տեսանյութում:
