14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Հադրութ քաղաքը գտնվում է մեր զինված ուժերի լիարժեք վերահսկողության տակ․ Արծրուն Հովհաննիսյան. ՏԵՍԱՆՅՈՒԹ
12.10.2020 | 22:16
Ադրբեջանը չի կատարել և չի էլ պատրաստվել կատարել կրակի դադարեցման պայմանավորվածությունը: Ադրբեջանի ղեկավարության հայտարարությունները, որ իրենք պատրաստակամ են եղել կատարելու դրանք, լիովին կեղծիք են: Այս մասին հոկտեմբերի 12-ին հրավիրված մամուլի ասուլիսում ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:
Այսօր վաղ առավոտյան Ադրբեջանի ԶՈՒ-ն վերսկսել է հարձակողական գործողությունները՝ երեք-չորս ուղղություններով:
«Մասնավորապես, Մարտակերտի ուղղությամբ կիրառվել են ծանր հրետանային միջոցներ, մարտական հարվածային ԱԹՍ-ներ, Թուրքիայի օդուժի աջակցությամբ հակառակորդը կատարել է նաև 36 մարտական թռիչք, որոնց ընթացքում հյուսիսային ուղղությամբ ՊԲ-ին հաջողվել է խոցել 1 ՍՈւ-25 գրոհիչ: Մարտական գործողությունները շարունակվել են նաև հարավային ուղղությամբ: Հադրութ քաղաքի ուղղությամբ դիվերսիոն-հետախուզական գործողությունները կասեցվել են, հակառակորդը հետ է շպրտվել: Հադրութ քաղաքը գտնվում է մեր Զինված ուժերի լիարժեք վերահսկողության տակ: Գիշերային ժամերին մարտական գործողությունների որոշակի թուլացումներ են լինում, այդ ընթացքում հակառակորդը կատարում է զորքերի վերախմբավորումներ ու համալրումներ, որպեսզի վաղ առավոտյան նորից վերսկսի հարձակողական գործողությունները»,- նշեց ՊՆ ներկայացուցիչը:
Մանրամասները՝ տեսանյութում:
