Արցախի Հանրապետության նախագահ Արայիկ Հարությունյանը կդիմի ՀՀ իշխանություններին, միջազգային կառույցներին՝ Արցախի անկախությունը ճանաչելու համար, եթե Ադրբեջանն առաջիկա 1-2 օրվա ընթացքում պատրաստակամություն չհայտնի հարցը խաղաղ ճանապարհով լուծելու համար: Այս մասին Հարությունյանն ասաց մամուլի ասուլիսին:
«Իհարկե, այստեղ մենք կտեսնենք այն երկրների ցանկը, որոնք հարգում են մարդու իրավունքները, որոնք հարգում են միջազգային իրավունքները, ազգերի ինքնորոշման իրավունքը: Աշխարհը կտեսնի նաև այն երկրների ցանկը, որոնք աջակցում են տեռորիզմին: Այն պետությունները, որոնք աջակցում են Ադրբեջանին՝ աջակցում են միջազգային տեռորիզմին, և պետք է դրանց ցուցակագրել, ու այդ երկրների ժողովուրդներն էլ պետք է գիտակցեն իրենց իշխանությունների վարքագիծը: Այդ բոլոր իշխանությունները պետք է պատասխան տան մարդկության և, ամենակարևորը, Աստծո առաջ»,- ասաց ԱՀ նախագահը:
Մանրամասները՝ տեսանյութում:
