14.05.2026 | 14:16
Իսրայելը պնդում է՝ Նեթանյահուն գաղտնի այցելել է ԱՄԷ Իրանի հետ պատերազմի ժամանակ․ ԱՄԷ-ն հերքում է
«Հայաստանին օգնություն. արտակարգ հեռուստամարաթոն»-ի ժամանակ հանգանակվել է ավելի քան 30, 5 մլն դոլարի հասույթ
Հասարակություն
11.10.2020 | 12:24
«Horizon Armenia TV»-ով հեռարձակված «Հայաստանին օգնություն. արտակարգ հեռուստամարաթոն»/ Armenia Aid Emergency Telethon-ի ընթացքում հանգանակվել է 30 միլիոն 523 հազար 692 դոլարի հասույթ:
«Սակայն սա դեռ վերջնական հանգանակությունը չէ»,- հեռուստամարաթոնն ամփոփելով նշեցին հաղորդավարները՝ տեղեկացնելով, որ շարունակում են մարդիկ գումարներ փոխանցել:
Նշենք նաև, որ Հայաստան համահայկական հիմնադրամի կողմից կազմակերպված «Մենք ենք, մեր սահմանները. բոլորս Արցախի համար
#ArtsakhStrong» խորագրով հանգանակությանը այս պահին հավաքագրվել է ավելի քան 93 մլն դոլար:
Իսկ Համահայկական հիմնադրամի ղեկավար Հայկակ Արշամյանը Ֆեյսբուքի իր էջում գրել է.
«Լոս Անջելեսում կայացած Armenia Aid դրամահավաքի արդյունքում հայտարարվեց 30.5 միլիոն դոլարի հասույթ, որն ի վերջո ուղղվելու է Լոս Անջելեսում տեղակայված Armenia Fund-ի բանկային հաշիվներին։ Հետագայում տարակարծություններից խուսափելու համար, խնդրում եմ հաշվի առնել, որ այդ թիվը ներառում է այդ պահին հավաքագրված կանխիկ դրամական միջոցները, արժեթղթերը, բանկային չեկերը, բանկային փոխանցումները, առցանց վճարումները և ամենակարևորը՝ խոստումները։
Վերջիններս կարող են և ամբողջությամբ չնյութականցվել ու այդպես էլ մնալ խոստում։ Սա է ընդհանրապես ցանկացած դրամահավաքի տրամաբանությունը։ Արդյունքները կամփոփվեն մոտակա օրերին,և միայն դրանից հետո կավելացվեն www.himnadram.org կայքի հաշվիչում»։
