28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Մենք ենք, մեր Աստված և մեր բանակը․ մեր 18 տարեկան տղաները հերոսների հերոս են․ Պարգև սրբազան. ՏԵՍԱՆՅՈՒԹ
Հասարակություն
09.10.2020 | 13:00
Մենք ենք, մեր Աստված և մեր բանակը: Մեր 18-20 տարեկան տղաներն իրոք հերոսների հերոս են, հիանալ կարելի է նրանցով: Շնորհակալ եմ իրենց ծնողներին, որ այսպիսի հզոր հերոս տղաներ են դաստիարակել մեր հայրենիքի համար: Այս մասին այսօր հրավիրված մամուլի ասուլիսի ժամանակ հայտարարեց ՀԱԵ Արցախի թեմի առաջնորդ Պարգև արքեպիսկոպոս Մարտիրոսյանը:
«Այդ տղաների գործը մեծագույն հերոսություն է: Ամեն օրվա հրետակոծության ժամանակ սրի պես կանգնած են: Այո՛, ուժերն անհավասար են, բայց դա չի նշանակում, որ մենք ենք դիմադրելու: Մեր գործն արդար է: Ամեն մեկն իրավունք ունի պաշտպանվելու, դա ամեն մեկի սրբազան իրավունքն է: Մենք հենց դա ենք անում: Մենք խաղաղ ժողովուրդ ենք, որևէ մեկի մահը չենք ցանկանում: Սա մեր ճակատագիրն ու փորձությունն է: Ամեն մարդ նա է, ինչպես կարողանում է հաղթահարել փորձությունը, ինչպիսին է դուրս գալիս դրանից: Մենք այսօր մեր քննությունն ենք հանձնում պատմությանը, մեզ ու մեր Աստծուն: Մենք դուրս ենք գալու այս փորձությունից: Մեզ պետք է ազգային միաբանություն, համազգային աղոթք, հզոր կամք ու անսասան ոգի, ինչն ունեն մեր զինվորները: Համախմբվենք, ուս ուսի տանք ու մեր հարցերը կլուծենք»,- ասաց Պարգև Սրբազանը:
«Ես այս պահին աղոթում եմ առ Աստված, որ մեր բոլոր զոհվածների հոգին լուսավորվի, աղոթում եմ, որ Աստված օրհնի մեր բանակը, մեր հայ ժողովրդին, Հայաստանն ու Արցախը, իր սուրբ աջի խաչի տակ պահի անսասան ու պարգևի մեզ խաղաղություն ու հաղթանակ, ինչին հավատում եմ ու վստահ եմ՝ զինադադարը լինելու է»,- հավելեց Պարգև Սրբազանը:
Մանրամասները՝ տեսանյութում։
