07.06.2026 | 12:18
Ժամը 11։00-ի դրությամբ քվեարկությանը մասնակցել է ընտրական իրավունք ունեցող քաղաքացիների 14.48%-ը․ ԿԸՀ
Լեռնավան գյուղի բնակիչը կորցրել է մեքենայի կառավարումը և ընկել ժայռից` Փամբակ-Շահալի հատվածի երկաթուղային գծերի վրա
06.10.2020 | 13:12
Լոռու մարզում արձանագրվել է «Հարավկովկասյան երկաթուղի» ընկերության կողմից շահագործվող երկաթուղային գծերի վրա տրանսպորտային միջոցի ընկնելու հերթական միջադեպը:
«Հոկտեմբերի 5-ին, ժամը 06:30-ի սահմաններում, M6 ավտոճանապարհին, եղանակային վատ պայմաններում Լեռնավան գյուղի բնակիչը կորցրել է մեքենայի կառավարումը, ինչի հետևանքով ավտոմեքենան դուրս է եկել ճանապարհի երթևեկելի մասից և ընկել ժայռից` Փամբակ-Շահալի հատվածի երկաթուղային գծերի վրա: Վարորդը և ուղևորը լուրջ վնասվածքներ չեն ստացել:
Այս տարվա ընթացքում սա արդեն երկրորդ նմանատիպ միջադեպն է ճանապարհի այս հատվածում և չորրորդը՝ Լոռու մարզում:
ՀԿԵ-ն տրանսպորտային միջոցների վարորդներին հորդորում է խստորեն պահպանել երթևեկության կանոնները, մասնավորապես երկաթուղային գծերը հատելիս»,- ասված է ՀԿԵ-ի տարածած հողարդագրությունում:
