12.10.2026 | 11:51
Ռուսական զորքերը հարվածել են Խարկովի բազմահարկ բնակելի շենքին․ տուժածներ կան
Ադրբեջանը պատերազմում օրական 394 մարդ է կորցնում․ այս թվերը Երկրորդ համաշխարհայինի հետ են համընկնում․ ռազմական փորձագետ
Հասարակություն
04.10.2020 | 23:52
Ադրբեջանի կորուստների թվերը, այսպիսի խոշոր մարտերի համար, գրեթե համընկնում են Երկրորդ համաշխարհային պատերազմի հետ: Այս մասին նշում է ռազմական փորձագետ Լեոնիդ Ներսիսյանը։
Ըստ նրա՝ ղարաբաղյան երկրորդ պատերազմի առաջին շաբաթը նշանավորվեց աշխարհում աննախադեպ ռազմական գործողություններով:
«8 օրում 3․154 զոհը նշանակում է օրական 394 մարդ․ ավելի քիչ, քան Ստալինգրադում (որտեղ կողմերը օրական կորցնում էին ավելի քան 2000 մարդ), բայց հավասար, օրինակ, Բուդապեշտի օպերացիային, որտեղ ԽՍՀՄ-ն օրական 740 մարդ էր կորցնում: Այս պարագայում, հաշվի առնելով առաջնագծի ավելի մեծ երկարությունը, իրավիճակը բավականին համեմատելի է: Նույնը վերաբերում է զրահատեխնիկայի կորուստներին։ Ադրբեջանը, փաստորեն, 8 օրվա ընթացքում կորցրել է այդ տեխնիկայի կեսից ավելին (368 միավոր՝ մոտավոր 500-ից): Սա նույնիսկ համեմատելի է Կուրսկի առանձին մարտերի հետ»,- ասում է փորձագետը։
Լեոնիդ Ներսիսյանի գնահատմամբ՝ փաստացի, նման բան վերջին անգամ նկատվել է 1973-ին՝ արաբա-իսրայելական պատերազմի ընթացքում։
