Ադրբեջանական բանակի կրակից Մարտունիում վիրավորում ստացած լրագրող Սևակ Վարդումյանը հիվանդանոցում բուժօգնություն ստանալով՝ վերադարձավ աշխատանքի։ Factor TV-ի հետ զրույցում Սևակը հիշեց դեպքը։
Հրետանային կրակահերթի պահին լրագրողները գտնվել են Մարտունիի համայնքապետարանի շենքում։ Սևակը պատմում է, որ իրենից բացի՝ վնասվածքներ են ստացել «Արմենիա» հեռուստաընկերության լրագրողն ու օպերատորը, ֆրանսիական Le Monde-ի լրագրողն ու լուսանկարիչը։
«Իմ ստացած վնասվածքը բեկորային է, կյանքիս վտանգ չի սպառնում», – ընդգծեց 24news.am-ի լրագրողը։
Սևակ Վարդումյանը վստահ է, որ Ադրբեջանը հատուկ է թիրախավորել լրագրողներին՝ նրանք կրել են տարբերանշաններ։
Մանրամասն՝ տեսանյութում։
Ռոբերտ Անանյան
