14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Տեղացի և միջազգային լրագրողները՝ հակառակորդի թիրախի տակ․ կան վիրավորներ
01.10.2020 | 14:29
Քիչ առաջ ՀՀ տեղեկատվական ՊՈԱԿ-ի տնօրեն Հովհաննես Մովսիսյանը հայտնում է, որ Ֆրանսիական «Le Monde» պարբերականի լրագրողները հրետակոծության տակ են ընկել Արցախի Մարտունի քաղաքում, կա երկու վիրավոր, նախնական տվյալներով, երկուսն էլ Ֆրանսիայի քաղաքացի։
Բացի այդ, վիրավորվել է նաև «Ժամը» լրատվականի նկարահանող խումբը: Վիրավորվել է մեր գործընկերը՝ օպերատոր Արամ Գրիգորյանը: Վնասվածքը, բարեբախտաբար, թեթև է:
Արամ Գրիգորյանը Ապրիլյան քառօրյա պատերազմի մասնակից է:
Հրետակոծության տակ է հայտնվել նաև «Սիվիլնեթի» նկարահանող խումբը, բարեբախտաբար չեն տուժել։
«Дождь» հեռուստաընկերության տնօրենի տեղակալը նույնպես հրետակոծության տակ է հայտնվել, այս պահին նրան տեղափոխել են ռմբապաստարան։
Մարտունիում ադրբեջանական զինուժի թիրախային կրակի տակ հայտնված լրագրողների խմբում է եղել նաև 24News-ի լրագրող Սևակ Վարդումյանը։ Նա մեջքի շրջանում վիրավորում է ստացել, այս պահին գտնվում է հիվանդանոցի ճանապարհին:
