15.07.2026 | 14:10
ՌԴ-ում ծնված ներդրողին Պետդեպը նշանակել է TRIPP-ի հիմնադրամի ղեկավար․ նա ներդրումներ ունի նաև ՀՀ-ում․ The Guardian
Մեր ամբողջ կռիվը տուն, տեղ, հող, ավանդույթ, հայոց լեզու պահելու ուղղությամբ է․ Մանսուրյան. ՏԵՍԱՆՅՈՒԹ
Հասարակություն
01.10.2020 | 10:23
Մեծանուն կոմպոզիտոր, ՀՀ ժողովրդական արտիստ Տիգրան Մանսուրյանն Արցախի պատերազմի առնչությամբ իր խոսքն է հղել հայությանը:
«Մեր ամբողջ կռիվը մեր տունը, հողը, այգին, ավանդույթը, սրբությունը, հայոց լեզուն պահելու ուղղությամբ է։ Ես մի շաբաթ առաջ չէի պատկերացնի մեր՝ այսքան զորավոր լինելու իրողությունը։ Գալիս է պահը և տեսնում ես, որ ժողովուրդը դառնում է մեկ ընտանիք, հարազատ ընտանիք. սրանք երևան եկան մի քանի օրում, մի քանի թշնամական համազարկերի արդյունքում գոյացավ այս հրաշալի բռունցքները։ Այնքան անսովոր է, այնքան մարդկայնորեն անընդունելի այն պահից, երբ մեկը կարող է քնած մարդուն կացնահարել և նրան իշխանությունը հերոս համարի։ Սա պատմության մեջ եզակի ստորության, նողկանքի արտահայտություն կարող է լինել։ Այս բաները խորթ են հային, որն ընդամենը իր տունը, սրբությունը, իր հողը պահպանելու խնդիր ունի: Զինվո՛ր բալիկ իմ, մենք բոլորով հոգով, մտքով, զգացումներով, սպասումներով քեզ հետ ենք։ Թող կամոքն Աստծո բարիով վերջանա հայ ժողովրդի համար այս պատմական պահը և անցնենք մեր գոյության հաջորդ փուլը, նորից շինարարական գործունեություն, նորից առօրեական կյանքի՝ իր բոլոր էջերով։ Ես հավատում եմ այդ վաղվա օրվան»,- ասել է Տիգրան Մանսուրյանը:
Մանրամասները՝ տեսանյութում։
