10.01.2026 | 13:18
Եկեղեցին պետք է լինի այն տարածքը, որտեղ մարդիկ դադարում են լինել ընդդիմադիր կամ պրոկառավարական․ Փաշինյան
Մի քանի հարյուր թոշակառուներ խնդրել են իրենց այս ամսվա թոշակը փոխանցել Հայոց բանակին
Հասարակություն
30.09.2020 | 16:29
Կենտրոն վարչական շրջանի մի քանի հարյուր թոշակառուներ որոշել են այս ամսվա թոշակը կփոխանցեն հայոց բանակին։ Այս մասին ֆեյսբուքյան գրառմամբ տեղեկացրել է Կենտրոն վարչական ղեկավար Ավետ Պողոսյանը։
«Էն, որ մեր ազգն անպարտելի է, համոզվում ես ամեն քայլափոխի: Ամենաթարմ ու ամենահուզիչ ապացույցն ասածիս այսօր արձանագրվեց: Կենտրոն ՎՇ-ի մի քանի հարյուր թոշակառուներ կապ են հաստատել Սոցիալական աջակցության կենտրոնի բաժնի հետ ու պայքարել, որ իրենց այս ամսվա թոշակը փոխանցվի բանակին: Ես ձեր ցավը տանեմ, սիրելիներս»,- գրել է Պողոսյանը։
Հիշեցնենք՝ սեպտեմբերի 27-ի վաղ առավոտյան Ադրբեջանը լայնածավալ հարձակում է սկսել արցախա-ադրբեջանական սահմանի ողջ երկայնքով։ Հայաստանում և Արցախում ռազմական դրության ֆոնին առաջնագիծ գնալու համար կամավորների մեծ խմբեր են հավաքվում, ինչպես նաև մեծ քանակությամբ մթերք ու դեղորայք է հավաքագրվում։
