06.04.2026 | 21:37
«Ցինիզմ է»․ չծառայած «բարձրակագ տղա»-ի մասին Քոչարյանի խոսույթի արձագանքները. ՏԵՍԱՆՅՈՒԹ
ժենգյալով հաց՝ զինվորների համար․ Ստեփանակերտի շուկան վերաբացվել է. ՏԵՍԱՆՅՈՒԹ
Հասարակություն
30.09.2020 | 14:53
Արդեն 4-րդ օրը Արցախի Հանրապետությունում գտնվող Factor TV-ի նկարահանող խումբն այսօր այցելեց Ստեփանակերտի շուկա։ 2 օր չաշխատելուց հետո այսօր այն վերաբացվել է։
Վաճառողուհիները պատրաստում էին արցախցիների սեղանի խորհրդանիշը համարվող ժենգյալով հացը։ Այն, ի դեպ, պատրաստվում է կանաչու 17 տեսակով։
Արցախցի կանայք վստահեցնում են գնալ Արցախ և չուտել ժենգյալով հաց, նույնն է թե, չլինել Արցախում։
Կանանցից մեկը պատմում է, երեկվա թխած ժենգյալով հացերը բաժանել է զինվորներին. «Կռիվը սկսվելու օրն էլ ժամը 5-ից եղել ենք շուկայում, որ թխենք զբոսաշրջիկների պատվիրած ժենգյալով հացը՝ ժամը 9-ին գալու էին, որ վերցնեին։ Բայց ժամը 7-ից սկսվեց կռիվն ու զբոսաշրջիկները չեկան։ Այդ ժենգյալով հացերն էլ ենք ուղարկել զինվորներին»։
Մեզ հետ զրույցում ասացին նաև՝ վստահ են, որ այս պատերազմում էլ հաղթանակը մերն է լինելու։
Մանրամասները՝ տեսանյութում:
Մերի Մարտիրոսյան
