01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Նիկոլ Փաշինյանը չի բացառել ռուսական ռազմաբազայի կիրառումը ԼՂ հակամարտությունում
Քաղաքականություն
30.09.2020 | 12:36
Ռուսական ռազմաբազան հանդիսանում է Հայաստանի անվտանգության անբաժան մասը։ Ռուսական լրատվամիջոցների հետ հանդիպմանն այս մասին ասել է ՀՀ վարչապետ Նիկոլ Փաշինյանը, գրում է «Ինտերֆաքս»-ը։
Փաշինյանի խոսքով՝ Լեռնային Ղարաբաղի հակամարտության գոտում լայնածավալ ռազմական գործողությունների այս փուլում «չի ձևավորվել այդ ներուժը կիրառելու անհրաժեշտությունը»։
«Սակայն մեզ մոտ անկանխատեսելի իրավիճակ է, և ոչ ոք հստակորեն չի կարող կանխագուշակել իրադարձությունների հետագա զարգացումը»,- նշել է Փաշինյանը։
Նա նաև հայտարարել է, որ Հայաստանը չի կարծում, թե այս փուլում հնարավոր է անցկացնել եռակողմ հանդիպումներ ԼՂ հակամարտության շուրջ ադրբեջանական ու ռուսական կողմերի մասնակցությամբ։
«Ինտենսիվ ռազմական գործողությունների ժամանակ ոչ այնքան տեղին է խոսել Հայաստան-Ադրբեջան-Ռուսաստան գագաթնաժողովի մասին։ Բանակցությունների համար անհրաժեշտ են համապատասխան մթնոլորտ ու պայմաններ»,- ընդգծել է վարչապետը։
Նրա խոսքով՝ Հայաստանը միշտ պատրաստ է ԼՂ հակամարտության խաղաղ կարգավորմանը։
«Սակայն սա չի նշանակում, որ Հայաստանը կամ Ղարաբաղը պատրաստ են լուծել այս խնդիրը՝ ի վնաս իրենց ազգային շահերի ու անվտանգության»,- նշել է Նիկոլ Փաշինյանը։
