19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Վիետնամը սատարում է հայ ժողովրդին ՝ պաշտպանելու իր անկախությունն ու ինքնիշխանությունը
Քաղաքականություն
29.09.2020 | 14:01
Վիետնամում ՀՀ դեսպան Վահրամ Կաժոյանի հանդիպումը Վիետնամի Ազգային ժողովի արտաքին հարաբերությունների հանձնաժողովի փոխնախագահ, Վիետնամ-Հայաստան խորհրդարանական բարեկամության խմբի նախագահ Նգուեն Ման Թիենի հետ
Սեպտեմբերի 28-ին Վիետնամում ՀՀ դեսպան Վահրամ Կաժոյանը հանդիպել է Վիետնամի Ազգային ժողովի արտաքին հարաբերությունների հանձնաժողովի փոխնախագահ, Վիետնամ-Հայաստան խորհրդարանական բարեկամության խմբի նախագահ Նգուեն Ման Թիենի հետ:
Դեսպան Կաժոյանը մանրամասն փաստեր է ներկայացրել 2020 թվականի սեպտեմբերի 27-ից Ադրբեջանի կողմից սանձազերծված լայնածավալ ռազմական գործողությունների, ինչպես նաև հայկական կողմի ձեռնարկած պատասխան գործողությունների մասին:
Նգուեն Ման Թիենը նշել է, որ Վիետնամը սատարում է հայ ժողովրդին ՝ պաշտպանելու իր անկախությունն ու ինքնիշխանությունը, ինչպես նաև տարածաշրջանում խաղաղությունը վերականգնելու՝ Հայաստանի և միջազգային հանրության ջանքերը: Հանդիպման ընթացքում ընդգծվել է Արցախի ժողովրդի խաղաղ ու անվտանգ ապրելու անվերապահ իրավունքը:
Դեսպան Կաժոյանը պարոն Թիենին ներկայացրել է ՀՀ Ազգային ժողովի փոխնախագահ, Հայաստան-Վիետնամ խորհրդարանական բարեկամության խմբի նախագահ Վահե Էնֆիաջյանի՝ իրեն ուղղված նամակը, ինչպես նաև Հայաստանի Արտաքին գործերի նախարարության համապատասխան հայտարարությունը:
