12.12.2024 | 11:45
Ենթադրում եմ՝ բոլոր ճանապարհները չեն նորոգվել, պետք է գրել՝ քանի կիլոմետր․ Փաշինյանը՝ Խուդաթյանին․ ՏԵՍԱՆՅՈՒԹ
Մոսկվայում փակվել են ուսումնական հաստատությունները․ կորոնավիրուսով վարակվածների համար նախատեսված մահճակալների 90%-ը զբաղված է
Քաղաքականություն
29.09.2020 | 13:59
Մոսկվայի քաղաքապետ Սերգեյ Սոբյանինը կորոնավիրուսի տարածման պատճառով երկարացրել է դպրոցական աշնանային արձակուրդները։ 2020թ․ հոկտեմբերի 5-18 ներառյալ բոլոր ուսումնական հաստատություններում հայտարարվել է արձակուրդ, գրում է ՌԻԱ Նովոստին։
Սոբյանինն ընդգծել է, որ նշված ժամանակահատվածում հեռավար ուսուցում չի լինի։
«Սակայն դպրոցականները կկարողանան կրկնել անցածը կամ, ըստ ցանկության, սովորել նոր նյութեր Մոսկվայի էլեկտրոնային դպրոցի օգնությամբ»,- հավելել է նա։
Նշվում է, որ մանկապարտեզները շարունակում են աշխատել սովորական ռեժիմով։
Մինչ այդ, ՌԴ Առողջապահության նախարարությունը հայտարարել է, որ կորոնավիրուսով վարակվածների համար նախատեսված 129 հազար մահճակալների 90%-ը զբաղված է։ Ընդ որում, անհրաժեշտության դեպքում, մահճակալների թիվը կարող է ավելացվել։
