08.04.2026 | 09:30
Չեմպիոնների լիգա․ «Բավարիան» հաղթել է «Ռեալին», «Արսենալը»՝ «Սպորտինգին»․ ՏԵՍԱՆՅՈՒԹ
Գյումրեցիները երեկվանից ակտիվորեն արյուն են հանձնում
28.09.2020 | 18:02
Գյումրու արյան փոխներարկման կայանը երեկվանից ծանրաբեռնված աշխատում է՝ մեծ թվով մարդկանց սպասարկելու համար։ Այս մասին Factor.am-ի հետ զրույցում ասաց արյան փոխներարկման կայանի տնօրեն Սուսաննա Պետրոսյանը։
«Այո՛, բավականին մեծ հոսքերով մարդիկ եկել են, երեկ ամբողջ օրը, նույնիսկ գիշերն աշխատել ենք, այսօր առավոտ ժամը 8-ից սկսել ենք մինչև այս պահը։ Հիմա վերջինը կվերցնենք ու այսօր արդեն կավարտենք»,- ասաց Սուսաննա Պետրոսյանը։
Նա հավելեց, որ շարունակելու են աշխատել, քանի որ արյուն հանձնել ցանկացողների թիվը մեծ է։
«18-ից 65 տարիքային խմբերի ներկայացուցիչներն են գալիս։ Կոլեկտիվները զանգել են, հերթագրվել վաղվա համար մեծ քանակությամբ։ Վաղն էլ շարունակելու ենք ակտիվորեն աշխատել»,- ասաց Գյումրու արյան փոխներարկման կայան տնօրենը։
Էմմա Չոբանյան
