10.08.2026 | 12:04
11 տարի հետախուզման մեջ գտնվող՝ 10.9 մլն եվրո հափշտակության գործով մեղադրյալը հայտնաբերվել է. նախաքննությունն ավարտվել է
Զոհեր ունենք ոչ միայն զինվորականների, այլև՝ քաղաքացիական անձանց շրջանում. Փաշինյան. ՏԵՍԱՆՅՈՒԹ
Տեսանյութեր
27.09.2020 | 18:01
Ադրբեջանի հարձակման թիրախ են դարձել ՊԲ բոլոր դիրքերը շփման գծի ամբողջ երկայնքով։ Սա, ըստ էության, Ադրբեջանի փորձն է՝ Ղարաբաղի հարցը լուծել ռազմական ճանապարհով։ Այս մասին այսօր ԱԺ հատուկ նիստում հայտարարեց ՀՀ վարչապետ Նիկոլ Փաշինյանը։
«Այս պահի դրությամբ իրականացվում է առաջին շարակարգի, այսինքն՝ մասնակի զորահավաք, բայց մենք որոշել ենք հենց էսպիսի որոշում ընդունենք, որպեսզի իրավիճակին օպերատիվ արձագանքելու հնարավորություն ունենանք։ Ես ուզում եմ Ձեզ տեղեկացնել, այս պահին Արցախի Պաշտպանության բանակը շփման գծի ամբողջ երկայնքով հատկապես հյուսիս-արևելքում և հարավ-արևելքում մղում է մարտեր, իրադրությունը լարված է։ Ցավոք, մենք ունենք զոհեր, ընդ որում, քանի որ ի սկզբանե թիրախավորվել են նաև քաղաքացիական ենթակառուցվածքները, զոհեր ունենք ոչ միայն զինվորականների, այլ նաև քաղաքացիական անձանց շրջանում։ Հարված է հասցվել նաև մայրաքաղաք Ստեփանակերտին։ Պաշտպանության բանակը կատարում է իր առջև դրված խնդիրը՝ կանգնեցնելու Ադրբեջանի հարձակումը և ադրբեջանական ագրեսիան»,- մասնավորապես նշեց Փաշինյանը։
Մանրամասները՝ տեսանյութում։
