20.05.2026 | 13:16
Հուշել եմ՝ միլիոնավոր դոլարների է հասնում, մանրամասնել չեմ կարող․ Հայրապետյանը՝ զենքի արտահանման մասին․ ՏԵՍԱՆՅՈՒԹ
Ակնկալվում է, որ ԱՄՆ ընտրությունները կարող են վիճարկվել Գերագույն դատարանում
Քաղաքականություն
26.09.2020 | 19:09
Փոստով ԱՄՆ նախագահի քվեարկության շուրջ կուսակցական տարաձայնությունները կարող են հանգեցնել որոշ փորձագետների կանխատեսած վիճարկվող ընտրություններ ունենալուն: Ըստ այդ սցենարի՝ նախագահ Թրամփը կարող է հաղթել ընտրություններից անմիջապես հետո գրանցված արդյունքերով, բայց վերջնական արդյուքներով կհաղթի դեմոկրատական կուսակցության մրցակից Ջո Բայդենը, քանի որ հաջորդող օրերին հաշվելու են փոստով քվեարկության արդյունքները. գրում է VOA-ն:
Փոստով քվեարկությունը համարելով կեղծիք և խաբեություն ՝ Թրամփը կանխատեսում է, որ քվեաթերթիկների հաշվարկի ժամանակ կարող են առաջանալ իրավական խնդիրներ, որոնց, ի վերջո, լուծում կտա Գերագույն դատարանը: Նաև այդ պատճառով նա վկայակոչել է անուններ, ովքեր ընտրությւոններից առաջ կփոխարինեն վերջերս մահացած դատավոր Ռութ Բադեր Գինսբուրգին:
«Կարծում եմ, որ այս ամենը կավարտվի Գերագույն դատարանում: Եվ կարծում եմ, որ շատ կարևոր է, որ մենք ունենանք ինը դատավորներ»,- ասել է նա:
Վերլուծաբանները նշում են, որ եթե անգամ փոստով քվերակության լայնածավալ կեղծիքների մասին փաստեր չլինեն, ինչպես պնդում է նախագահը, անվավեր փոստով քվեաթերթիկների թիվը մեծ է լինելու հիմնականում այն պատճառով, որ ընտրողները դրանք պատշաճ կերպով չեն լրացնելու:
Բացի այդ կորոնավիրուսի համաճարակի ֆոնին քվեաթերթիկների հաշվարկումը կարող է ձգձգվել, ինչպես տեղի ունեցավ որոշ նահանգներում անցկացված այլ ընտրությունների ժամանակ:
«Որքան ավելի շատ խրախուսեն մարդկանց փոստով քվեարկել, այնքան կավելանա այն մարդկանց թիվը, ովքեր կզրկվեն ընտրելու իրավունքից, և նրանց ձայները չեն հաշվարկվի»,-կարծում է դաշնային ընտրությունների նախկին լիազոր Հանս ֆոն Սպակովսկին:
Եվ մնում է պարզել Գերագույն դատարանի դերն այս ամենում, եթե կա որևէ դեր:
«Հուսով եմ, որ մենք չենք հայտնվի այնպիսի իրավիճակում, երբ դատավորները որոշում կայացնեն ընտրությունների արդյունքները հաստատելու վերաբերյալ: Կարծում եմ, որ ժողովրդավարության տեսանկյունից դա շատ խնդրահարույց կլինի»,- կարծում է ամերիկյան քաղաքական վերլուծաբան Սեմ Բերգերը:
Նախագահական ընտրությունների արդյունքները Գերագույն դատարանում վիճարկվել են 2000 թ.-ին, համաձայն որի Ֆլորիդայում ձայների վերահաշվարկն էական հաղթանակ բերեց հանրապետական Ջորջ Բուշին դեմոկրատական Ալ Գորի նկատմամբ:
Հարցին, թե արդյոք պարտության դեպքում նախագահ Թրափը պատրաստ է իշխանության խաղաղ փոխանցմանը, վերջինս միայն ասել է,-«Մենք կտեսնենք, թե ինչ կլինի»:
Նախընտրական փուլում կուսակցական լարվածությունն ԱՄՆ-ում այնքան է աճել, որ երկու կողմերն էլ մտավախություն ունեն. վիճարկվող ընտրությունները կարող են քաղաքական բախումներ առաջացնել աջ և արմատական ձախ թևերի միջև:
