09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
Երևան-Մեղրի ավտոճանապարհին խոշոր եղջերավոր կենդանիներով բեռնված ավտոմեքենան գլորվել է ձորը
26.09.2020 | 12:15
Սեպտեմբերի 25-ին, ժամը 23:34-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Ելփին գյուղի մոտակայքում տեղի է ունեցել ՃՏՊ՝ խոշոր եղջերավոր կենդանիներով բեռնված ավտոմեքենան գլորվել է ձորը․ տուժածներ չկան։ Այս մասին հայտնում են ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մ-2 ավտոճանապարհի Երևան-Մեղրի հատվածի 93-րդ կմ-ին «ԶԻԼ 130» մակնիշի բեռնատարը (վարորդ՝ Յուրիկ Օ․) գլորվել է ձորը (մոտ 70 մ):
Փրկարարները հոսանքազրկել են ավտոմեքենան, փակել գազի բալոնի փականը և կենդանիներին տեղափոխել մոտակա անվտանգ տարածք (1 ձի, 11 ցլիկ, որից 5-ը` վիրավոր):
Ավտոմեքենան ձորից դուրս բերելու համար անհրաժեշտ է հատուկ տեխնիկա:
