17.12.2025 | 17:37
ԱԺ «Հայաստան» խմբակցության երեք պատգամավոր երաշխավորություն են ներկայացրել Վարդան Ղուկասյանի խափանման միջոցը փոխելու համար
Պետական հատվածի միջին վարձատրությունն աճել է 7%-ով․ վիճծառայություն
Հասարակություն
25.09.2020 | 22:02
Չնայած հունվար-օգոստոս ամիսներին տնտեսական ակտիվության ցուցանիշի 6.4 տոկոս անկմանը, նույն ժամանակահատվածում միջին ամսական անվանական աշխատավարձը շարունակել է աճել: 2020 թվականի հունվար-օգոստոս ամիսներին, նախորդ տարվա նույն ժամանակահատվածի համեմատ, միջին ամսական անվանական աշխատավարձն աճել է 4․7%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Սակայն նկատենք, որ աշխատավարձի աճի տեմպը փետրվարից հետո դանդաղել է: Հատկանշական է, որ պետական հատվածում աշխատավարձի բարձրացման տեմպն ավելի բարձր է, քան մասնավոր հատվածում:
Այսպես՝ պետական հատվածում այս տարվա առաջին 7 ամիսներին միջին ամսական անվանական աշխատավարձի բարձրացումը կազմել է 7%, իսկ մասնավոր հատվածում՝ 3․4%: Այնուամենայնիվ, նախորդ տարվա նույն ժամանակահատվածի համեմատ, միջին ամսական անվանական աշխատավարձի աճի տեմպը փոքր-ինչ դանդաղել է, ինչը պայմանավորված է մասնավոր հատվածում աշխատավարձի բարձրացման տեմպի դանդաղմամբ:
2019 թվականի հունվար-օգոստոս ամիսներին միջին ամսական անվանական աշխատավարձն ավելացել է 5․7%-ով․ պետական հատվածում՝ 7․1%, մասնավոր հատվածում՝ 3․9%-ով։ 2018 թվականին հակառակ պատկերն է գրանցվել․ միջին ամսական անվանական աշխատավարձը բարձրացել է 3․7%-ով, սակայն բարձրացման մեծ մասը բաժին է ընկել մասնավոր հատվածին: Պետական հատվածում բարձրացումը կազմել է ընդամենը 1․8%:
Անժելա Պողոսյան
